Дьокуускайга Сэбиэскэй Сойуус Дьоруойа Федор Поповка пааматынньык туруоҕа
![Дьокуускайга Сэбиэскэй Сойуус Дьоруойа Федор Поповка пааматынньык туруоҕа](https://kiinkuorat.ru/wp-content/uploads/2024/07/bK2HXnzQxK.jpg)
Дьокуускайга Ил Дархан Айсен Николаев сорудаҕынан Улуу Кыайыы 80 сылынан сахаттан бастакы Сэбиэскэй Сойуус Дьоруойа Федор Кузьмич Поповка пааматынньык туруоруохтара.
Ол курдук, Аҕа дойду сэриитигэр Кыайыы 80 сылын бэлиэтиир тэрээһиннэр чэрчилэринэн Ил Дархан сорудаҕынан өрөспүүбүлүкэ киин куоратыгар сахаттан бастакы Сэбиэскэй Сойуус Дьоруойа Федор Кузьмич Попов сырдык аатын уонна кини хорсун быһыытын үйэтитэр сыалтан пааматынньык туруоруллуоҕа. Айсен Николаев пааматынньыгы үбүлээһини өрөспүүбүлүкэ бүддьүөтүттэн оҥорорго сорудахтаата.
Санатар буоллахха, «Куорат сиригэр табыгастаах эйгэни тэрийии» федеральнай бырайыагынан ыытыллар рейтиннээх куоластааһын түмүгүнэн Дьокуускай куоракка быйыл Федор Попов аатынан сквери тутуу былааннанар. Ол курдук, былырыын Федор Попов аатынан сквер дизайн-бырайыагын иһин 9148 куолас киирэн, кыайыылааҕынан тахсыбыта.
Быйыл, 2024 сылга, Федор Поповка Сэбиэскэй Сойуус Дьоруойун аата иҥэриллибитэ 80 сылын туолар, диэн иһитиннэрэр Ил Дархан уонна Бырабыыталыстыба пресс-сулууспата.
Хаартыска: Андрей Сорокин, СИА.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)