Дьокуускайга саҥа уһуйааннар тутуллаллар
![Дьокуускайга саҥа уһуйааннар тутуллаллар](https://kiinkuorat.ru/wp-content/uploads/2021/06/Cqio3GidZJ.jpg)
Ол курдук, Гагаринскай уокурукка Кузьмин уул., 25, саҥа уһуйаан тутулла турар. Быйыл сэтинньи ыйга түмүктэниэхтээх. Бырайыак быһыытынан 240 миэстэлээх оҕо уһуйаана 3 165, 63 кв.миэтэрэ иэннээх, үс этээстээх, физкультура саалалаах, медблоктаах, ас астыыр, таҥас сууйар хостордоох, верандалаах уонна лифтээх буолуоҕа. Ааспыт нэдиэлэ туругунан тутуу 50 бырыһыана бэлэм.
Иккис эбийиэк – 203-с микрооройуоҥҥа 23 №-дээх «Цветик-семицветик» уһуйаан эбии бөлөхтөрө. Бу 85 миэстэлээх эбийиэк номнуо 100% бэлэм. Билигин дьиэ үлэҕэ киирэригэр туһааннаах докумуоннар оҥоһуллаллар. Былаан быһыытынан 2021 сыл балаҕан ыйын 1 күнүгэр аһыллыахтаах.
Үһүс эбийиэк – 18 №-дээх «Прометейчик» уһуйаан эбии бөлөхтөрө. 1184 кв. миэтэрэ иэннээх, 119 миэстэлээх буолуоҕа.
Автодорожнай уул., 13/1 г, турар эбийиэк судаарыстыбаннай-чааһынай партнерство бырагырааматынан, “Демография” национальнай бырайыак чэрчитинэн федеральнай уонна өрөспүүбүлүкэ үбүлээһининэн тутуллар.
Оҕо уһуйаана аныгы технологиялаах оонньуур оборудованиенан, миэбэлинэн хааччыллыбыт. Манна универсальнай саала, ас астыыр блок, медицинскэй кабинет, Монтессори оҕо эрдэтээҥҥи сайдыытын устуудьуйата уонна сенсорнай хос баар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)