31.10.2022 | 14:00

Дьокуускайга оҕо уопсастыбаннай сэбиэтэ тэрилиннэ

Алтынньы 29 күнүгэр, куорат баһылыга Евгений Григорьев салалтатынан, оҕо уопсастыбаннай сэбиэтин бастакы мунньаҕа буолла диэн Олохтоох дьаһалта пресс-сулууспата иһитиннэрдэ.
Дьокуускайга оҕо уопсастыбаннай сэбиэтэ тэрилиннэ
Ааптар: Киин Куорат
Бөлөххө киир

Мунньахха баһылыгы социальнай боппуруостарга солбуйааччы Наталья Степанова, Үөрэҕирии управлениетын начаалынньыга Мария Петрова, киин куорат оскуолаларыттан уонна эбии үөрэхтээһин тэрилтэлэриттэн сүүмэрдиир куонкуруһу ааспыт уонна Олохтоох дьаһалта баһылыгын иһинэн тэриллибит оҕо уопсастыбаннай сэбиэтин састаабыгар киирбит көхтөөх үөрэнээччилэр кытыннылар.

Куорат баһылыга алтынньы 29 күнэ – Ийэ дойдубутугар бэлиэ күн диэн санатта. 1918 сыллаахха Бүтүн Арассыыйатааҕы ыччат ленинскэй коммунистическай сойууһа тэриллибитэ, оттон 2015 сыллаахха – Арассыыйатааҕы үөрэнээччилэри хамсааһыннара.

«Бу күн куорат баһылыгын иһинэн тэриллибит оҕо уопсастыбаннай сэбиэтин бастакы мунньаҕын ыытарбыт үөрүүлээх. Бүгүн бэйэбитигэр сорук туруорабыт – оҕо баҕа санаатын тэҥҥэ тутарга, оҕолор көҕүлээһиннэрин истэргэ уонна олоххо киллэрэргэ. Тус бэйэбэр сэбиэт суолтата – эһиги үөрэнээччилэри уонна биһигини, куорат салайааччыларын, ситимниир звенонан буолаҕыт. Эһиги этиилэргитин киллэриэххит, оттон биһиги ону учуоттуохпут. Бары кыттыһан экспертнэй уорган буолабыт. Уопсастыбаннай сэбиэт – эһиэхэ суолталаах тиэмэлэргэ кэпсэтэр балаһааккабыт. Биһигини улахан уонна олус интириэһинэй үлэ күүтэр», - диэн бэлиэтээтэ Евгений Григорьев.

Үөрэнээччилэр идиэйэлэрин көхтөөхтүк киллэрдилэр, ол иһигэр социальнай ситимнэргэ оскуола олоҕун, баҕа өттүнэн үлэлиир этэрээттэр тустарынан сырдатар уопсай сирэйи оҥоруу, ыччат ортотугар чөл олоҕу пропагандалааһын, психологтар өттүлэриттэн уустук балаһыанньаҕа түбэспит оҕолору өйөөһүн, экологическэй уонна патриотическай иитии курдук суолталаах боппуруостарга тохтоотулар.

Евгений Григорьев оҕолор баҕа санааларын барытын иһиттэ, кинилэр этиилэрэ көрүллүөҕэ уонна өйөнүллүөҕэ диэн мэктиэлээтэ.

Үөрэнээччилэр уопсастыбаннай сэбиэттэрин мунньаҕа кыбаарталга биирдэ ыытыллар буолуоҕа диэн былааннанна.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...