18.12.2019 | 11:14

Дьокуускайга кэлэн сайынным

Дьокуускайга кэлэн сайынным
Ааптар: Киин Куорат
Бөлөххө киир

Семен Ильич Черноградскай, “Оһуохай” түмсүү бэрэссэдээтэлин солбуйааччы.

- Куоракка 60-мун туолан баран кэлбитим. Манна кыстыыбын, дойдубар Уус Алдаҥҥа сайылыыбын. Ол кэмтэн ыла мин олохпор олох атын түһүмэх саҕаланна.

“Арчы” дьиэтигэр нэдиэлэ аайы оһуохайдьыттары истэн элбэххэ үөрэнним. Сунтаартан төрүттээх Степан Яковлевич Яковлевы батыһа сылдьаммын иккиэн улуустарга оһуохайы тэрийбиппит. Ол курдук 14 улууска оһуохай филиалларын аспыппыт. Утуйа сытар улуустары уһугуннарар, сөргүтэр курдук киин улуустарга оһуохай хамсааһына лаппа таҕыста. Маныаха улуустар бэйэлэрэ өйөбүл, күүс-көмө буоллулар.

Биирдэ Степан Яковлевич Чурапчы Мугудайыттан Дьокуускай биэрэгэр кэлиэхпитигэр, өрүһү туоруохпутугар диэри оптуобуска айаннаан кэлэригэр оһуохайын тылынан утары олорор дьахтары хоһуйан кэлэн сөхтөрбүтэ. Ону сурукка-бичиккэ киллэрэн турабын. Степан Яковлевич кэргэнэ Култуура дьиэтин дириэктэринэн уһуннук үлэлии сылдьыбыта. Кини дойдутугар 2015 сыллаахха  Сунтаар Аллаҥатыгар тиийэн, Бүлүү бөлөх улуустарын куоталаһыыларыгар “Ытык киһи Ыстапааҥҥа” диэн туойаммын, хоһуйаммын Гран-при буолбутум.

Итини сэргэ олоҥхоҕо тардылынным. 2009 сыллаахха дойдубар Уус Алдаҥҥа олоҥхо үһүс ыһыаҕа буолбута. Тэрээһин үлэтэ бөҕөтө ыытыллыбыта. Кырдьаҕас олоҥхоһут суох буолан, улуустааҕы Култуура киинин худруга Елизавета Николаевна “эн хайаан да олоҥхону толор” диэн күүһүнэн модьуйан, 7 мүнүүтэлээх олоҥхону булан биэрэр. Уонна улууска аны сайын буолар ыһыахха үс түһүмэхтээх куонкурус ыытар. Ол куонкуруһу үһүөннэрин туорааммын, өрөспүүбүлүкэ олоҥхотун ыһыаҕын аһыллыытыгар олоҥхоһут оруолун толорор эппиэтинэс миэхэ сүктэриллэр. Онтон ыла мин олоҥхоҕо тардылламмын, Елизавета Николаевна Даниловаҕа, Василий Васильевич Илларионовка улахан махталлааххпын.

Онон Дьокуускайга кэлэммин мин сайынным, саха фольклоругар олоҥхоҕо, оһуохайга, ону тэҥэ тойукка сылдьабын уонна кэккэ ситиһиилэрбинэн киэн туттабын.

Куораппыт тутуулара тупсан-сайдан иһиилэрэ, куорат тутууларыгар сахалыы орнаменнары түһэрэллэрэ өссө элбиэхтэрин наада, омук дьоно кэлэригэр национальнай колориппытын атын дьон хараҕар көрдөрүө этэ. Уонна дьоҥҥо-сэргэҕэ, сахам дьонугар сахалыы кэпсэтэллэригэр баҕарыам этэ. Киһи төрөөбүт тылын билиэхтээх, атаҕастыа суохтаах.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...