05.11.2020 | 14:41

Дьокуускайга кафе уонна маҕаһыын үлэтэ 30 сууккаҕа тохтотулунна

Дьокуускайга кафе уонна маҕаһыын үлэтэ 30 сууккаҕа тохтотулунна
Ааптар: Киин Куорат
Бөлөххө киир

Сэтинньи 2 күнүгэр Дьокуускай куорат суута Азатян К.Д. диэн чааһынай предприниматель «Армянская кухня» кафетын үлэтин 30 сууккаҕа тохтотто. Ол курдук, ас-үөл тэрилтэтэ ураты бэлэмнээх буолуу эрэсиимин кэспитин иһин 30 тыһ.солкуобайга административнай эппиэтинэскэ тардылынна. Бу туһунан Дьокуускай куорат Административнай хамыыһыйатын бэрэссэдээтэлэ Феликс Антонов иһитиннэрдэ.

Оттон бэс ыйын 25 күнүгэр Дьокуускай куорат суута «Lavash» диэн маҕаһыыны эмиэ маннык 30 тыһ.солкуобай суумаҕа административнай эппиэтинэскэ тардыбыта. Ол эрээри СӨ Үрдүкү суута атырдьах ыйын 20 күнүгэр ыстараабы сэрэтиигэ уларыппыта. Сэтинньи 2 күнүгэр тэрилтэ үлэтэ тохтотулунна.

 «Алтынньы 14 күнүгэр маҕаһыыҥҥа хас да кэһии баарын быһаарбыппыт – уопсастыбаннай миэстэҕэ киирии уонна сылдьыы анал эрэсиимэ турбатах, дьон мааскалаах сылдьыы эрэсиимин тутуспатах, ону таһынан, үлэһиттэргэ харыстанар сириэстибэ бэриллибэтэх», – диэтэ Феликс Антонов.

Бэнидиэнньиккэ Дьокуускай куорат суһал штабын бөлөҕө атыы-эргиэн уонна ас-үөл 17 эбийиэгин үлэтин бэрэбиэркэлээтэ. Онтон 10-гар кэһиилэр бааллара бэлиэтэннэ. Ол түмүгэр административнай эппиэтинэс туһунан 5 боротокуол, 5 профилактическай бэсиэдэ ыытылынна.  

«XO-YKT» баар, «Чудо выпечка» кафе, «В тридевятом», «Пуф-пуф» маҕаһыыннар,  «Алмаз» арыгы маркета, «Пивной двор» маҕаһыын санитарнай-противоэпидемическай ирдэбиллэргэ эппиэттээбэккэ үлэлии турбуттара билиннэ.

Административнай хамыыһыйа үтүө суобастаахтык үлэлиир тэрилтэлэр баалларын эмиэ бэлиэтээтэ. Ол курдук, «BARBOSS», «Магазин» баар-маҕаһыыннарга, онтон да атыттарга бары миэрэ тутуһуллар диэтэ.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...