26.09.2023 | 13:00

Дьокуускайга икки Креативнай индустрия оскуолата аһылынна

Саха сирин Култуураҕа уонна духуобунай сайдыыга миниистирэ Юрий Куприянов Дьокуускай куоракка икки Креативнай индустрия оскуолатын үөрүүлээх быһыыга-майгыга арыйда диэн Култуура уонна духуобунай сайдыы министиэристибэтин пресс-сулууспата иһитиннэрдэ.
Дьокуускайга икки Креативнай индустрия оскуолата аһылынна
Ааптар: Киин Куорат
Бөлөххө киир

Оскуолалар «Придумано в России» федеральнай бырайыак чэрчитинэн арылыннылар. Биир оскуола – Дьокуускайдааҕы култуура уонна искусство колледжын иһинэн, иккиһэ – Дьокуускайдааҕы    художественнай училищеҕа. Креативнай идэлэргэ 160-ча оҕо үөрэниэҕэ.

Миниистир бэлиэтээбитинэн, Креативнай индустрия оскуолатын арыйыы – култуура эйгэтин үөрэҕириигэ тэрилтэлэригэр дьоһун өйөбүлүнэн буолар.

«Арассыыйа Култуураҕа министиэристибэтин улахан бырайыагар киирбиппит улахан ситиһии. Икки оскуоланы хааччыйыыга министиэристибэ 90-ча мөлүйүөн солкуобайы көрдө. Хас биирдии үөрэх  кыһатыгар маннык оскуоланы арыйыы – инникигэ хардыы. Манна үөрэнэр оҕолор инники өттүгэр өрөспүүбүлүкэбит экономикатын креативнай сегменин сайыннарар көлүөнэнэн буолуохтара. Ил Дархан Айсен Сергеевич Николаев бу хайысха сүрүн буоларын мэлдьи бэлиэтиир. 2022 сыл түмүгүнэн креативнай индустрия сайдыытыгар биһиги Арассыыйа бастыҥ субъегынан буоллубут. Ити таһымы тута сылдьыахтаахпыт, итиэннэ талааннаах оҕолорбутун сайыннарарга бары күүһү ууруохтаахпыт», - диэн бэлиэтээтэ миниистир.

Бастакынан Дьокуускайдааҕы култуура уонна искусство колледжын иһинэн үлэлиэхтээх оскуола аһылынна. Үөрүүлээх тэрээһиҥҥэ колледж салайааччыта, өрөспүүбүлүкэ норуодунай дьокутаата Захар Никитин устудьуоннары бэлиэ күнүнэн эҕэрдэлээтэ.  Креативнай индустрия оскуолатыгар звукорежиссура, аныгы электроннай музыка, хаартысканы уонна видеоны оҥоруу салаалара бааллар. Наадалаах тэрили ыларга федеральнай бүддьүөттэн 44,1 мөлүйүөн солкуобай көрүлүннэ. Оскуолаҕа барыта 100 оҕо үөрэниэҕэ. Үөрэххэ ылыы алтынньы 1 күнүгэр диэри ыытыллар.

Дьокуускайдааҕы    художественнай училище иһинэн үлэлиир Креативнай индустрия оскуолатын хааччыйыыга федеральнай бүддьүөттэн 47-тэн тахса мөлүйүөн солкуобай тыырылынна. Оскуола үс устуудьуйалаах: анимация уонна 3Д графика, хаартысканы уонна видеоны оҥоруу, дизайн. Училище оскуолаҕа анаабыт өттүгэр өрөмүөн оҥоһулунна, үөрэнэр уонна айар туона сөптөөх тэрилинэн хааччылынна. Манна барыта 60-ча оҕо үөрэниэҕэ, үөрэххэ ылыы түмүктэннэ.

Оскуолалар үөрэҕирии тэрилтэлэрин структурнай салааларын быһыытынан үлэлииллэр. Икки сыллаах үөрэҕи бүтэрбиттэр анал туоһу суругу тутуохтара.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...