Дьокуускайга Биир кэлим бэрэсидьиэн субсидиятын суотугар саҥа оскуола тутуллуоҕа
Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрбитинэн, Саха Өрөспүүбүлүкэтэ 2024-2026 сылларга эбии социальнай эбийиэктэри үлэҕэ киллэрэргэ туһуламмыт Биир кэлим бэрэсидьиэн субсидиятын ылыаҕа. Итиннэ киин куоракка саҥа оскуола, Нерюнгрига поликлиника, Эдьигээҥҥэ спортивнай саала киирсэллэр.
Итинник быһаарыы Арассыыйа Федерациятын бырабыыталыстыбатын бэрэссэдээтэлин солбуйааччыта, Уһук Илиҥҥи Федеральнай уокурукка боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экономическэй боппуруостарыгар бырабыыталыстыба хамыыһыйатын уонна Арктиканы сайыннарыы боппуруостарыгар Судаарыстыбаннай хамыыһыйа президиум холбоһук мунньахтарыгар ылылынна.
Саха сиригэр аныгылыы мастарыскыайдары оҥорууга, «Уһук Илиҥҥи Федеральнай уокурукка 50 спортивнай саала» бырагырааманан, үс модульнай спортсааланы атыылаһыыга уонна туруорууга, Нерюнгри куоракка доруобуйа харыстабылын биэс эбийиэгин саҥардыыга, Дьокуускайга 253 миэстэлээх саҥа оскуола тутуутугар үбүлээһин көрүлүннэ. Судаарыстыбаннай хамыыһыйа президиумун быһаарыытынан 2024 сылга Эдьигээн сэлиэнньэтигэр спортивнай сааланы ситэри тутар туһунан эрдэ ылыныллыбыт быһаарыы бигэргэтилиннэ уонна 135,7 мөлүйүөн солкуобай көрүлүннэ.
Итини таһынан, федеральнай бүддьүөт үбүлээһинин суотугар Саха сиригэр «Туристическай» учаастакка балаһаакка иһинээҕи суоллар, ууннан уонна гааһынан хааччыйыы ситимнэрэ, ардах уутун ыытар канализация, оттон «Капитоновка» балаһааккаҕа «газогенерирующай» ситим оҥоһуллуохтара.
Сонуннар
Ордук ааҕаллар
