Дьокуускайга 8 сылгы хаһаайына ыстарааптанна

Тыа хаһаайыстыбатын управлениетын начаалынньыга Марат Данилов иһитиннэрбитинэн, 2023 сыл саҕаланыаҕыттан сылгылары тыа хаһаайыстыбатын дьэллик кыылларын тутар пууҥҥа туруоруу, көрүү-истии уопсай суумата 90-тан тахса тыһыынча солкуобайга тэҥнэстэ.

«Тохсунньу ыйтан Биир кэлим диспетчерскэй сулууспаҕа куорат уокуругун территориятыгар сылгылар сылдьалларын туһунан 31 сайаапка киирдэ. Тутуллубут 8 сылгы хаһаайына анал тэрилтэҕэ прейскуранынан барытын төлөөтүлэр», - диэн быһаарда Марат Данилов.

Быйылгы электроннай аукцион түмүгүнэн, 2023 сыл бэс ыйын 31 күнүгэр диэри болдьохтоон, тыа хаһаайыстыбатын дьэллик кыылларын көрөр-харайар анал тэрилтэнэн «Софронов Радомир Юрьевич» ИП буолла.

Анал тэрилтэ прейскуранынан олохтообут сыаналара:

- кыһыҥҥы кэмҥэ, алтынньы 11 күнүттэн ыам ыйын 14 күнүгэр диэри, сууккаҕа биир төбө иһин төлөбүр – 6960 солкуобай (биир төбөнү 1 чааска көрүү-истии – 290 солкуобай);

- сайыҥҥы кэмҥэ, ыам ыйын 15 күнүттэн алтынньы 10 күнүгэр диэри, сууккаҕа биир төбө иһин төлөбүр – 5808 солкуобай, (биир төбөнү 1 чааска көрүү-истии – 242 солкуобай).