Дьокуускайга 500 кэтээн көрөөччү үлэлиэҕэ

Андрей ВЫСОКИХ, Дьокуускай куорат Уопсастыбаннай палататын бэрэссэдээтэлэ:

— Дьокуускайга 114 куоластыыр учаастакка 500 кэтээн көрөөччү баар буолуоҕа. Кинилэр бэс ыйын 25 күнүттэн от ыйын 1-кы күнүгэр куоластааһын түмүгэ тахсыар диэри үлэлиэхтэрэ. Барыларын кытта инструктаж ыытылынна, хас биирдиилэригэр анал киниискэ бэриллиэҕэ, онно кэтээн көрөөччүлэр бэрээдэги кэһиини, мааска кэтии эрэсиимин тутуһууну о.д.а. бэлиэтэнэн иһиэхтэрэ.

Хас биирдии кэтээн көрөөччү анал илииһи толорон куоластыыр учаастак бэрэссэдээтэлигэр туттарар.

Маны сэргэ, кэтээн көрөөччү дьиэттэн куоластааччыларга барар хамыыһыйаны кытта тэҥҥэ сылдьыһар.