Дьокуускай VIII-с "Азия оҕолоро" норуоттар икки ардыларынааҕы оонньууларга бэлэмнэнэр
Тэрээһин үөрүүлээх сабыллыытыгар Оонньуулар былаахтарын туттарыы буолла, 2024 сылга "Азия оҕолоро" VIII-с норуоттар икки ардыларынааҕы оонньуулар Дьокуускай куоракка ыытыллыахтара.
Дьокуускай куорат баһылыга Евгений Григорьев эҕэрдэ тылыгар өрөспүүбүлүкэ киин куората Оонньуулары ыытарга кыһамньылаахтык бэлэмнэниэҕэ диэн бэлиэтээтэ.
“Оонньуулары үрдүк таһымнаахтык ыытар курдук туох баар сырабытын ууруохпут ” – диэн эрэннэрдэ Евгений Григорьев.
Кини бэлиэтээбитинэн, СӨ бырабыыталыстыбатын кытта бииргэ үлэлэһэн спорт эбийиэктэрин тутуута саҕаланна. Ол курдук, 2024 сылга диэри икки улахан эбийиэк – Ильменскэй уонна Петр Алексеев уулуссаларыгар спорт саалалара тутуллуохтара.
«VII-с Оонньууларга бэйэбит спортсменнарбытыгар "ыарыйдым", киһини тардар киирсиилэр буоллулар. Спортсменнарбыт бэлэмнэрин таһыма сылтан сыл үрдээн иһэр диэн бэлиэтиибин» - диэн санаатын үллэһиннэ Евгений Григорьев.
Сонуннар
Ордук ааҕаллар
