Дьокуускай куораттан икки учуутал Арассыыйа таһымнаах бириэмийэ хаһаайына буолла

Арассыыйаҕа буола турар Учуутал уонна уһуйааччы сылынан дойду 1250 бастыҥ учууталыгар, ол иһигэр Саха сириттэн 12 учууталга анал бириэмийэ туттарыллар, диэн Ил Дархан уонна Бырабыыталыстыба пресс-сулууспата иһитиннэрэр. 
Саха сирин 12 бастыҥ учууталын кэккэтигэр Дьокуускай куораттан икки учуутал киирбит – Дьокуускай куорат 7 №-дээх оскуолатын нуучча тылыгар уонна литератураҕа учуутала Надежда Шестакова уонна Дьокуускайдааҕы куорат лицейин химияҕа учуутала Туйаара Жиркова. 
Кыайыылаахтар бары – муниципальнай күрэҕи ааспыт, үөрэх кыһатыгар административнай ноҕуруусканы сүкпэт, үс сылтан итэҕэһэ суох педагог ыстаастаах учууталлар. Бэлиэтээн эттэххэ, муниципальнай күрэххэ 103 учуутал кыттыыны ылбытыттан экспертэр бастыҥнары тус методика, кэлиҥҥи үс сылга үрдүк көрдөрүү, предмети үөрэтиигэ үөрэҕи таһынан үлэни ыытыы о.д.а. курдук критерийдэринэн талбыттар.
Ол курдук, бастыҥ үлэлэрин иһин Арассыыйа таһымнаах бириэмийэнэн наҕараадаланыахтара:
– Туйаара Алексеева, Сунтаардааҕы политехническэй лицей-интэринээт нуучча тылыгар уонна литератураҕа учуутала;
– Равелла Пинигина-Сосина, Таатта улууһун Ытык-Күөл 1№-дээх оскуолатын биологияҕа учуутала;
– Надежда Шестакова, Дьокуускай куорат 7 №-дээх оскуолатын нуучча тылыгар уонна литератураҕа учуутала;
– Раиса Уйгурова, Өлүөхүмэ улууһун Абаҕа орто оскуолатын саха тылыгар уонна литературатыгар учуутала;
– Дарья Криволапова, Мииринэй оройуонун 19 №-дээх оскуолатын физикаҕа учуутала;
– Марианна Кушнир, Нерюнгри куорат 1 №-дээх гимназиятын географияҕа учуутала;
– Екатерина Комарова, Бүлүү куорат 3 №-дээх оскуолатын учуутала;
– Туйаара Жиркова, Дьокуускайдааҕы куорат лицейин химияҕа учуутала;
– Лена Слепцова, Чурапчы орто оскуолатын алын сүһүөх кылаастарга учуутала;
– Инесса Шредер, Нерюнгри куорат 24 №-дээх Информационнай-технологическай лицейин математикаҕа учуутала;
– Ульяна Колесова, Бэрдьигэстээх орто оскуолатын алын сүһүөх кылаастарын учуутала;
– Оксана Семенова, Үөһээ Бүлүү Ботуулуу орто оскуолатын нуучча тылыгар уонна литератураҕа учуутала.