30.09.2022 | 12:00

Дьокуускай куораттааҕы Дуума дьокутааттара суол өрөмүөнүн бэрэбиэркэлээтилэр

Дьокуускай куораттааҕы Дуума бэрэссэдээтэлэ Альберт Семенов кыттыылаах көһө сылдьар мунньах чэрчитинэн «Куттала суох уонна хаачыстыбалаах суоллар» национальнай бырайыагынан өрөмүөннэнэр суоллары көрдүлэр диэн иһитиннэрдэ Дуума пресс-сулууспата.
Дьокуускай куораттааҕы Дуума дьокутааттара суол өрөмүөнүн бэрэбиэркэлээтилэр
Ааптар: Киин Куорат
Бөлөххө киир

Көһө сылдьар мунньахха Дьокуускай куораттааҕы Дуума дьокутааттара Феликс Романов уонна Николай Васильев, СӨ Тырааныспарга министиэристибэтин, «Главстрой» МХТ, «Биир Ньыгыл Арассыыйа» Баартыйа, М.К. Аммосов аатынан ХИФУ уонна бэдэрээтчит тэрилтэлэр бэрэстэбиитэллэрэ кытыннылар.

Мунньах кыттыылаахтара Федор Попов уулуссатыгар уонна Энергетиктэр переулоктарыгар, Богдан Чижик уулуссатыттан Кальвицаҕа диэри учаастак өрөмүөнүн көрдүлэр.

Итиэннэ дьокутааттар кэккэ уулуссалар хапытаалынай өрөмүөннэрин көрдүлэр:

- Очиченко уул., (Б. Марлинскай уулуссатыттан 1-кы холуонньаҕа диэри);

- Пирогов уул., (Петр Алексеев уулуссатыттан Жорницкайга диэри);

- Бабушкин уул., (Советскай Армия 50 сыла уулуссаттан Очиченкоҕа диэри);

- Труд уул.;

- Щорс күөлүн кытыытынааҕы уулуссалары.

Дьокутааттар куоракка массыына суолларын туруга тупсубутун бэлиэтээтилэр. Өрөмүөн хаачыстыбалаах буолбут уонна болдьоммут кэмигэр ыытыллар.

«Аспаал-бетон бүрүөһүнүн ууруу технологическэй өттүн, сырдатыы тирээбиллэрин, хааччахтары таһаарыы туһунан этэр буоллахха, барыта ГОСТ ирдэбиллэригэр эппиэттиир. Сакаасчыт өттүттэн суһал быһаарыылар ылыллыбыттарын бэлиэтиэхпин баҕарабын. Алексей Михайлович Варламов салалтатынан профессионаллар хамаандалара соруктары ситиһиилээхтик толорор», - диэн кэпсээтэ Дьокуускай куораттааҕы Дуума дьокутаата, «Куттала суох уонна хаачыстыбалаах суоллар» национальнай бырайыак регионнааҕы координатора Феликс Романов.

Көһө сылдьар мунньах түмүгүн таһааран, Дьокуускай куораттааҕы Дуума бэрэссэдээтэлэ Альберт Семенов суол оҥоһуута саамай тыын боппуруос буоларын, ол иһин эбийиэктэргэ сылдьан үлэ хаачыстыбатын бэрэбиэркэлиир тоҕоостооҕун бэлиэтээтэ.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.