Дьокуускай куорат маастар-былаана аан дойду таһымыар билиниини ылла
Ол курдук, Москваҕа буолан аааспыт VI-с Норуоттар икки ардыларынааҕы «Дом на Брестской» күрэх түмүгүнэн «Городская планировка и планирование» номинацияҕа Гран-при уонна I истиэпэннээх лауреат үрдүк аатын тэҥинэн Дьокуускай куорат маастар-былаанын барыйыага ылбыт.
Санатар буоллахха, Илин Уһук уокуругун 50 тыһыынчаттан элбэх нэһилиэнньэлээх куораттарын сайдар былааннара дойду бэрэсидьиэнэ Владимир Путин сорудаҕынан оҥоһуллубуттара. Саха Өрөспүүбүлүкэтин Баһылыга Айсен Николаев эрдэ Дьокуускай маастар-былаана куораты тутуу эрэ буолбакка, инники олоҕу былааннааһын докумуона буолуохтаах диэн турар.
Бырайыак 2021 сыл сэтинньи 17 күнүттэн саҕаламмыта. 2022 сыл олунньу 8 күнүгэр маастар-былааны оҥорууга Бүтүн Арассыыйа таһымнаах куонкурус биллэриллибитэ. 2022 сыл олунньу 1 күнүттэн кулун тутар 20 күнүгэр диэри нэһилиэнньэҕэ ыйытык ыытыллыбыта уонна ол түмүгэ маастар-былаан тэхиньиичэскэй сорудаҕар киирбитэ. 2022 сыл от ыйын 13 күнүгэр ыытыллыбыт аһаҕас күрэх түмүгүнэн кыайыылааҕынан «Институт Генплана Москвы» ГАУ баһылыктаах консорциум ааттаммыта. 2023 сыл кулун тутар 14 күнүгэр Дьокуускай куорат маастар-былаанын баһылык Евгений Григорьев бигэргэппитэ.
Бэлиэтээн эттэххэ, дойду баһылыга Владимир Путин өйөбүлүн ылбыт Дьокуускай куорат маастар-былаанын бырайыагын ааптардарынан «Институт Генплана Москвы» ГАУ салайааччылаах консорциум бэлэмнээбитэ. Консорциум састаабыгар «Урбаника» ИТП , Design Unit 4, Citizenstudio, Knight Frank, ЛСТК Проект, ХИФУ ИТИ киирсэллэр. Бырайыак салайааччылара: Иванова Анна, Мустафин Григорий.
Сонуннар
Ордук ааҕаллар
