20.02.2024 | 10:00

Дьокуускай куоракка Учуутал уонна уһуйааччы сыла алта оскуола тэҥинэн тутуллубутунан өйдөнөн хаалыаҕа

Дьокуускай куоракка Учуутал уонна уһуйааччы сыла алта оскуола тэҥинэн тутуллубутунан өйдөнөн хаалыаҕа
Ааптар: Киин Куорат
Бөлөххө киир

Олунньу 16 күнүгэр куорат баһылыга Евгений Григорьев киин куорат үөрэҕин кыһаларын үлэһиттэрин иннигэр отчуотугар Владимир Путин өйөбүлүн ылбыт Дьокуускай куорат маастар-былаанынан 2030 сылга диэри 12 оскуола, 18 оҕо саада, 10 доруобуйа харыстабылын, 7 спорт эбийиэгэ, 2 култуура уонна 4 эбии үөрэхтээһин тэрилтэтин дьиэлэрэ, маны сэргэ Музыка үрдүкү оскуолатыгар саҥа дьиэ уонна киинэ павильона тутуллуохтара диэн иһитиннэрдэ.
Оттон 2023 сылга Арассыыйаҕа буолан ааспыт Учуутал уонна уһуйааччы сыла Дьокуускай куоракка историяҕа «Үөрэхтээһин» нацбырайыагынан алта оскуола тэҥинэн тутуллубутунан киириэҕэ диэн бэлиэтээтэ. 
Ол курдук, ааспыт сылга учуутал Самсоновтар ааттарынан Хатас орто оскуолатыгар уонна 23 №-дээх оскуолаҕа тутуллубут салҕааһыннар үлэҕэ киирбиттэрэ. Эһиил маннык салҕааһыннар 29 №-дээх оскуолаҕа уонна 4 №-дээх коррекционнай оскуолаҕа арыллыахтара. Быйыл ДСК оройуонугар 990 миэстэлээх оскуоланы тутуу салҕанар, Мархаҕа Кадеттар оскуолалара тутуллар. Маны таһынан «Звезднай» түөлбэҕэ оскуола-саады уонна ОВЗ көрүҥнээх оҕолорго оскуола тутуута ыытыллар.
Быйыл үөрэх эйгэтигэр сайыҥҥы лааҕырдарга өрөмүөн ыытыллыаҕа, икки оскуолаҕа кванториум тэриллиэҕэ, түөрт оскуолаҕа БПЛА кылааһа арыллыаҕа.
Ааспыт сыл сэтинньи ыйыгар 1 №-дээх оскуола саҥа дьиэтин бырайыага судаарыстыбаннай экспертизаны ааспыт. Билигин 17 №-дээх оскуолаҕа уонна 203-с түөлбэҕэ Глобальнай үөрэхтээһин киинигэр эбии куорпус бырайыагын оҥоруу ыытыллар.
2023 сылга итини сэргэ 13 оскуолаҕа хапытаалынай өрөмүөн уонна саҥардан тутуу үлэтэ ыытылынна, Саха политехническэй лицейгэ Кванториум арылынна.
2023 сыл олунньу 13 күнүгэр Ийэ тыл уонна сурук-бичик күнүгэр Евгений Григорьев саха тылын, литературатын уонна төрүт култуура бастыҥ учууталларыгар сыллата 100 тыһыынча солкуобай кээмэйдээх бириэмийэни олохтуур туһунан уурааҕы баттаабытын бэлиэтээтэ.
Баһылык маны сэргэ 2024 сылга ыытыллар үлэни, ол иһигэр «Азия оҕолоро» ооннньууларга Дьокуускайга 30 араас дойду бэрэстэбиитэлэ кэлээри бэлэмнэнэрин, онуоха куораты уонна спорт эбийиэктэрин бэлэмнээһин үлэтэ ыытылла турарын иһитиннэрдэ. 
Отчуот кэнниттэн учууталлар оҕо саадтарыгар өрөмүөн ыытар федеральнай бырагыраама хаһан үлэлиэн сөбүн, үөрэх тэрилтэлэрин тиэргэннэригэр тупсарыы үлэтин ыытыыны ыйыталастылар. 
Үөрэх эйгэтин үлэһиттэрэ маны сэргэ муниципальнай бүддьүөт учууталлар командировкаларын, стажировкаҕа айаннарын, идэни үрдэтэр куурустарга кыттыыларын уйунар кыаҕын, Юнармия дьиэтигэр тутуллар спорт саадатын болдьоҕун, 32 №-дээх оскуолаҕа модульнай спорт саалатын тутууну сурастылар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...