09.02.2023 | 18:00

Дьокутааттар Олохтоох дьаһалта отчуотун бигэргэттилэр

Олунньу 8 күнүгэр, Дьокуускай куораттааҕы Дуума дьокутааттара 45-с уочараттаах сессияҕа куорат баһылыга Евгений Григорьев Олохтоох дьаһалта 2022 сыллааҕы үлэтин туһунан отчуотун иһиттилэр уонна биир санаанан бигэргэттилэр.
Дьокутааттар Олохтоох дьаһалта отчуотун бигэргэттилэр
Ааптар: Киин Куорат
Бөлөххө киир

45-с уочараттаах сессияҕа Дьокуускай куорат Хонтуруоллуур-суоттуур палаататын бэрэссээдэлэ Виктор Ушницкай, киин куорат прокурора Антон Николенко, СӨ Кырдьаҕастарын үрдүкү сүбэтин бэрэссэдээтэлин солбуйааччыта,  1982-1988 сылларга горисполком бэрэссэдээтэлэ, Дьокуускай куорат бочуоттаах гражданина Юрий Коркин, куорат баһылыгын солбуйааччылара, Олохтоох дьаһалта структурнай салааларын салайааччылара кытыннылар.

Куорат баһылыга Евгений Григорьев тохсунньу 16 күнүттэн олунньу 8 күнүгэр диэри бары уокуруктарга уонна куорат кытыытыгар 2022 сыллааҕы үлэ түмүктэрин уонна 2023 сыллааҕы былааннар тустарынан отчуоттар ыытыллыбыттарын иһитиннэрдэ.

«Бүгүн түмүктүүр 30-с отчуот. Отчуоттарга барыта түөрт тыһыынча кэриҥэ киһи кытынна. Быйыл биһиги уокуруктар уонна куорат кытыытын нэһилиэнньэтигэр эрэ буолбакка, араас эйгэ үлэһиттэрин, улахан тэрилтэлэр кэлэктииптэрин иннигэр отчуоттаатыбыт, үчүгэй харданы ыллыбыт», - диэн бэлиэтээтэ Евгений Григорьев.

Дьокуускай куораттааҕы Дуума Бэрэссэдээтэлэ Альберт Семенов бэлиэтээбитинэн, отчуот түмүгүнэн, Олохтоох дьаһалта, куорат баһылыга Евгений Григорьев, өрөспүүбүлүкэ Ил Дархана Айсен Николаев өйөбүлүнэн туруоруллубут соруктары барытын толороллор.

«Тус бэйэм куорат дьаһалтатын нэһилиэнньэ иннигэр отчуотугар хас даҕаны төгүл кытынным, куорат олохтоохторо хайдах ылыналларын көрдүм. Отчуот кэмигэр элбэх ыйытыы, этии, сэмэлээһин киирдэ.  Олохтоохтор бары ыйытыыларыгар сиһилии хоруйу ыллылар. Куорат олохтоохторун курдук, бүгүн дьокутааттар бары отчуоту болҕомтолоохтук иһиттилэр, дьүүллэһиигэ көхтөөхтүк кытыннылар уонна этиилэрин киллэрдилэр», - диэн бэлиэтээтэ Альберт Семенов.

Сессияҕа СӨ Кырдьаҕастарын үрдүкү сүбэтин бэрэссэдээтэлин солбуйааччыта,  1982-1988 сылларга горисполком бэрэссэдээтэлэ, Дьокуускай куорат бочуоттаах гражданина Юрий Семенович Коркин тыл эттэ. Куорат урукку салайааччыта эппитинэн, Ил Дархан Айсен Николаев 2021 сыл балаҕан ыйын 8 күнүнээҕи «2032 сылга диэри Саха Өрөспүүбүлүкэтин киин куоратын – Дьокуускай куораты сайыннарыы туһунан» ыйааҕын олоххо киллэриигэ Олохтоох дьаһалта 2022 сылга куһаҕана суохтук ылсан саҕалаата.

«Куорат дьаһалтата, ситэриилээх былаас үлэни куһаҕана суохтук саҕалаата уонна үчүгэй сыананы ылар кыахтанна дии саныыбын», - диэн түмүктээтэ Юрий Коркин.

Салгыы Юрий Семенович куорат салалтатыгар уонна Дьокуускай куораттааҕы Дуума дьокутааттарыгар үлэҕэ киллэриллэр олорор дьиэ ахсаанын элбэтиигэ, үөрэҕирии эбийиэктэрин тутууну уонна саҥа үөрэх миэстэтин таһаарыыны тэтимирдэргэ болҕомтолорун ууралларыгар эттэ.

Дьокуускай экс-баһылыга суол өрөмүөнүгэр уонна тутуутугар үлэлиир бэдэрээтчиктэр эппиэтинэстэрин үрдэтэргэ уонна олорор дьиэ пуондатын үлэлэтэр, көрөр-истэр сорох салайар хампаанньалары бэрээдэктииргэ сүбэлээтэ.

Итини сэргэ 45-с уочараттаах сессияҕа «Дьокуускай иннигэр үтүөлэрин иһин» бэлиэнэн, куорат уокуругун Бочуоттаах грамотатынан уонна түөскэ анньынар бэлиэтинэн, итиэннэ «Дьокуускай куорат доруобуйатын харыстабылын иннигэр үтүөлэрин иһин» бэлиэнэн наҕараадалааһын бопппуруостарын көрдүлэр.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...