Дьиэтээҕи мороженай

Сгущенкалаах

Сүөгэй – 200 г.;

100 г сгущенка.

Миксеринэн сүөгэйбитин хойдуор диэри ытыйабыт. Сгущенканы кытта холбуубут.

Кэтит формаҕа кутан баран пищевой пленканан сабабыт уонна морозильникка 3-5 чаас туруорабыт.

Сакалааттаах

Горькай сакалаат – 100 г;

Үүт – 300 мл;

Саахар – 85 г;

3 сымыыт уоһаҕа;

Сүөгэй – 300 г.

Сакалааты куһуоччуктарга бытарытабыт, көстүрүүлэҕэ кутан үүтү эбэбит. Сакалаат суураллыар диэри кыра уокка булкуйа турабыт, сойутабыт.

Сымыыт уоһаҕын саахары кытта ытыйабыт, булкуйа туран үүппүтүн эбэбит. Кыра уокка туруоран хойуннарабыт.

Көстүрүүлэни муустаах ууга уган булкуйа туран сойутабыт.

Онно ытыллыбыт сүөгэйи эбэн булкуйабыт. 3-4 чаас морозильникка туран тоҥор.

Варенай сгущенкалаах

Варенай сгущенка – 400 г;

Үүт – 350 мл;

Сүөгэй – 200 г.

Сгущенканы уонна үүтү көстүрүүлэҕэ кутан холбуубут. Сгущенка суураллыар диэри кыра уокка сылытабыт, тохтоло суох булкуйабыт.

Тымныы сүөгэйи хойуу күөрчэх буолуор диэри ытыйабыт, онтон үүппүтүн кытта холбуубут.

Кэтит формаҕа тарҕата кутан морозильникка 4-5 чаас устата тоҥоробут.

Ванильнай

160 мл үүт;

3 сымыыт уоһаҕа;

150 г саахар;

500 г сүөгэй;

Ванильнай экстракт.

Үүппүтүн кыратык сылытабыт, оргуппаппыт. Сымыыт уоһаҕын саахары кытта холбуу ытыйабыт. Ытыйбытынан туран сылаас үүтү кыралаан кутан эбэбит. Саахара суураллан хаалыахтаах.

Кыра уокка ууран булкуйа-булкуйа хойдуор диэри сылытабыт. Саамай кылаабынайа оргутан кэбиһиэ суохтаахпыт. Булкуйбут лаппааххыбытын тарбахпытынан соттохпутуна суол хаалар буоллаҕына, бэлэм диэн буолар.

Көстүрүүлэбитин тымныы муустаах ууга угабыт. Эмиэ ытыйбытынан туран сойутабыт.

Тымныы сүөгэйи миксеринэн ытыйабыт. Ытыллыбыт күөрчэххэ сымыыттаах үүттээх састааппытын кыралаан кутан холбуубут.

Ванильнай экстракт таммалатабыт, кичэйэн булкуйан баран тоҥорор формабытыгар кутан, хаппахтаан, морозильникка 3-4 чаас туруорабыт. Хас чаас аайы булкуйан биэрэн иһэбит.

Банаантан

Банаан – 3 уст.;

Үүт – 60 мл.;

Ванилин.

Банааны төгүрүктүү кырбаан баран морозильникка тоҥоробут. Үүтү, тоҥмут банааны, ванилины бииргэ ытыйабыт. 1-2 чааска морозильникка тоҥоробут.