Дьиэ кыылларын тутууну бэрэбиэркэлиир эриэйдэлэр

Дьокуускайга нэһилиэнньэ дьиэ кыылларын тутар усулуобуйатын бэрэбиэркэлиир эриэйдэлэр саҕаланнылар.

Сэтинньи 8 күнүгэр Автодорожнай уокурук быраабата СӨ Ветеринарияҕа департаменын кытта кыттыһан, участковай полиция үлэһитэ уонна Бэйдиэ сылдьар кыыллары кытта үлэлиир сулууспа бэрэстэбиитэлэ кыттыылаах уокурукка дьиэ кыылларын иитии усулуобуйатын бэрэбиэркэлиир эриэйдэлэри ыыттылар.

Аҕыйах чаас устата Автомобилистар уулуссаларыгар уонна Иван Арбита уулуссатыгар икки босхо сылдьар иччилээх ыт тутулунна. Кыыллары Очиченко, 57, баар Приюкка илтилэр. Хаһаайыннара ыстарааптаныахтара.

Автодорожнай уокурук быраабатын салайааччыта Николай Обоюков бэлиэтээбитинэн, хаһаайыннаах ыттар көҥүлгэ ыытыллар буоланнар дьоҥҥо саба түһэллэрэ тахсар.

“Оннук түгэннэргэ Ветеринария департаменын кытта бэрэбиэркэлэри ыытабыт, хаһаайыннары административнай эппиэтинэскэ тардабыт. Ыттары иитэр дьоҥҥо туһаайан этиэм этэ – ыттаргытын босхо ыытан кэбиһимэҥ”, – диэтэ Николай Обоюков.

Дьиэ кыылын тутуу быраабылатын кэһии иһин 1000-1500 солк. ыстараап ууруллар, иккис кэһии таҕыстаҕына – ыстараап 3000-5000 солк. диэри улаатар. Ветеринария департаменын үлэһиттэрэ боротокуол толороллор.