08.04.2023 | 10:00

Design by FEO ютуб «үрүҥ көмүс кнопкатын» ылла

Феоктист Алексеев киэҥэ эйгэҕэ Design by FEO диэн аатынан биллэр. YouTube-ханаалыгар сүүс тыһыынчаттан тахса сурутааччыланан “үрүҥ көмүс кнопка" наҕарааданы тутта. Кини бэйэтин ханаалыгар Unreal Engine диэн анал бырагыраамаҕа оҥорбут графическай үлэлэрин таһаарар.
Design by FEO ютуб «үрүҥ көмүс кнопкатын» ылла
Ааптар: Розалия Томская
Бөлөххө киир

Феоктист салгыы “кыһыл көмүс кнопканы" ылар былааннаах. Оннук наҕараада мөлүйүөн сурутааччылаах ханаалларга туттарыллар. Marvel комикстарын фан-артарыттан саҕалаан видеонан үлэлэри оҥорорго үөрэммит эдэр дизайнер үлэтин үгүстэр хайҕыы, сөҕө-махтайа көрөбүт. Кини ураты буочардаах, туһунан  истииллээх буолан, үлэлэрэ уонунан мөлүйүөн көрөөччү биһирэбилин ылаллар.  
Саха сиригэр билиҥҥитэ түөрт “үрүҥ көмүс кнопка" хаһаайына баар. Бастаан 2019 сыллаахха «Клевая рыбалка» биэрии ыытааччыта Вячеслав Бродников тиксибитэ, кини бэйэтин сөбүлүүр дьарыгын устан, аан дойду көрөөччүтүн кутун тутта. Онон Вячеслав Бродников хамнаһа суох оҥорор үлэтэ дойдубут имиджин таһаарыыга сүҥкэн кылааттаах.


Салҕыы бу наҕараадаҕа 2020 сыллаахха «Охота и рыбалка в Якутии» бырайыак тиксибитэ. 2022 сыл тохсунньутугар Саха сирин туһунан англия тылынан кэпсиир блогер @Kiun ылбыта, онтон «Саха» НКИХ ханааллара ылбыттара. Аҥаардас сурутааччы эрэ ахсаанынан туттарыллар наҕараада диэҕи, тыа сирин олоҕун көрдөрөр 3 мөлүйүөн кэриҥэ сурутааччылаах @pandasakha блогер билиҥҥитэ биир да кнопкаҕа тиксэ илик – бу, холобур, YouTube салалтата, сурутааччы ахсаанын сэргэ, өссө атын кэккэ ирдэбиллэрдээҕин көрдөрөр.
Феоктист Алексеев үлэлэрин Хабиб Нурмагомедов, Тони Фергюсон, Конон Макрегор курдук ааттаах-суоллаах спорстменнар репостаабыттара – ол эмиэ сүгүрүйээччилэрин ахсаанын хаҥаппыта. FEO дизайнынан дьарыктанарын таһынан рэп музыканан үлүһүйэр, рэп эйгэҕэ Skaijo диэн аатынан биллэр. 

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...