27.07.2023 | 16:00

Дэбиэринэс хаһан оҥоһуллуохтааҕый?

Дэбиэринэс хаһан оҥоһуллуохтааҕый?
Ааптар: Розалия Томская
Бөлөххө киир

Нотариуска бигэргэммит дэбиэринэс төрөппүттэн маннык түгэннэргэ булгуччу ирдэнэр:

 

* Оҕотун кыраныысса таһыгар ыытар буоллаҕына.

Кыраныыссаны туоруурга төрөппүттэр сөбүлэҥнэрэ хайаан да наада буолар. Сынньалаҥҥа, экскурсияҕа учууталы, салайааччыны кытта айанныыр буоллаҕына, төрөппүттэртэн булгуччу сөбүлэҥ (согласие) ирдэнэр. Сөбүлэҥҥэ оҕо тиийэр дойдута, айан болдьоҕо ыйыллар.

 

* Оҕо Арассыыйа территориятыгар баар гостиницаҕа олороругар эмиэ дэбиэринэс ирдэнэр. Сокуоннай сааһын туола илик оҕо төрөппүт сөбүлэҥэ суох хостелга, гостиницаҕа, сынньалаҥ дьиэтигэр, пансионакка сокуоннай бэрэстэбиитэлэ (төрөппүтэ) суох киирбэт. Оҕо чугас аймахтарын (эбэ, эһэ, эдьиий, убай) кытта сылдьар буоллаҕына даҕаны дэбиэринэс, сөбүлэҥ ирдэнэр.

Сокуоннай саастарын туола илик үөрэххэ киирбит оҕолорго уопсайга киирэллэригэр эмиэ төрөппүт дэбиэринэһэ наада.

 

* 16 сааһын туола илик оҕо үлэҕэ киирэригэр.

Самозанятай уонна ИП буолуу 14 саастан көҥүллэнэр, маныаха эмиэ төрөппүт нотариуска бигэргэммит сөбүлэҥэ наада буолар.

16 сааһын туола илик обургу оҕо үлэлии барарыгар, үлэ дуогабарын түһэрсэригэр, төрөппүт нотариуска бигэргэммит сөбүлэҥэ ирдэнэр.

 

* Оҕо хамсаабат баайын-дуолун батарыыга.

14-18 саастаах оҕолор хамсаабат баайы-дуолу эргиниигэ кыттар кыахтаахтар, өскөтүн төрөппүт (сокуоннай бэрэстэбиитэл эбэтэр попечитель) онно нотариальнай сөбүлэҥ биэрбит буоллаҕына. Маны оҥорторбокко эрэ илии баттаммыт атыы-эргиэн дуогабара кэлин суутунан көтүрүллүөн сөп.

 

* Оҕо атын дьоҥҥо олорор буоллаҕына.

Өскөтүн оҕону уһун кэмҥэ атын дьоҥҥо, аймахтарыгар биэрэр буоллаххытына, нотуриуска юридическэй суолталаах дьайыылары оҥоророрго дэбиэринэс оҥоһуллуохтаах (холобур, медицинскэй суһал көмөнү оҥорууга наада буолар).

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...