17.02.2023 | 18:00

«Дархан Уус» Саха сирин тимир уустарын сүрүн түһүлгэтэ 12-с төгүлүн ыытыллар

Сарсын, олунньу 18 күнүгэр «Куруһаала» эргиэн киинигэр үгэскэ кубулуйбут «Дархан Уус» Саха сирин тимир уустарын сүрүн түһүлгэтэ 12-с төгүлүн ыытыллар. Бу күннэргэ сөбүлүү көрбүт оҥоһугу хайа баҕарар уустан талан ылар кыах бэриллэр.
«Дархан Уус» Саха сирин тимир уустарын сүрүн түһүлгэтэ 12-с төгүлүн ыытыллар
Ааптар: Киин Куорат
Бөлөххө киир

Саха сирин сүүрбэччэ улуустарыттан 60-ча тимир уустара түмсүбүт сүрүн түһүлгэлэрэ «Уус-уран оҥоһуулаах быһах», «Бастыҥ булт быһаҕа», «Бастыҥ ас быһаҕа» хайысхаларынан чулууттан чулуулары сүүмэрдээн таһаарыаҕа.

«Бастыҥ ас быһаҕа» хайысхаҕа саха төрүт аһын сөргүтээччи Иннокентий Тарбахов уһуйуллааччылара Константин Матаннанов, Иван Решетников, Евгений Петров дьүүллүүр сүбэҕэ үлэлиэхтэрэ. Атын хайысхаларга саха быһаҕын аар-саарга аатырдыбыт Сарыал Билюкин, Саха сирин тимир уустарын сойууһун бэрэссэдээтэлэ Роман Готовцев-Мындыр Уус, ураты суоллаах-иистээх Василий Попов-Бааха Уус, Россия ойуулуур-дьүһүннүүр академиятын чилиэн-кэрэспэндьиэнэ, худуоһунньук Дьулустаан Бойтунов, Экология, айылҕа баайын туһаныы уонна ойуур хаһаайыстыбатын министиэристибэтин, Булт хаһаайыстыбатын уонна ураты харыстанар сирдэр департаменнарын салайааччытын солбуйааччы Анатолий Попов дьүүллүүр сүбэҕэ үлэлиэхтэрэ.

Быыстапканы төрүттээччинэн күөгэйэр күнүгэр суох буолбут предприниматель уонна меценат Серафим Попов этэ. Кини сүбэһитэ, Саха сирин тимир уустарын сойууһун бочуоттаах бэрэссэдээтэлэ, Духуобунас академиятын академига, П.А. Ойуунускай аатынан судаарыстыбаннай бириэмийэ лауреата, Саха Өрөспүүбүлүкэтин бочуоттаах гражданина Борис Неустроев-Мандар Уус буолар.

12-с төгүлүн ыытыллар «Дархан Уус» Саха сирин тимир уустарын сүрүн түһүлгэтин ыалдьыттарын саха эстрадатын чаҕылхай сулустарын эҕэрдэтэ, саха төрүт аһын амсайар дьоро түгэн, тыҥааһыннаах күрэс былдьаһыыта күүтэр.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.