29.06.2023 | 16:00

«Дьөһөгөй» ипподром рекорда тупсарылынна

Туймаада Үрүҥ Тунах Ыһыаҕын сүрүн киэргэлэ ат сүүрдүүтэ Иннокентий Саввич Свинобоев — Тыыннаахап аатынан «Дьөһөгөй» ипподромугар икки күн түһүлгэлэннэ.
«Дьөһөгөй» ипподром рекорда тупсарылынна
Ааптар: Иннокентий АММОСОВ, Лена ПЕТРОВА, Артур ЗАБОРОВСКАЙ хаартыскаҕа түһэриилэрэ
Бөлөххө киир

БАСТАКЫ КҮН

«Үс Хатыҥ» бирииһэ. 2400 м. Ыраас хааннаах сүүрүктэр.

I миэстэ – Голд Фарт, Таатта (2 м 41 с. 70). Баайааччыта Сергей Васильев, сүүрдээччитэ Анатолий Куличкин;

 II миэстэ – Черный Барон, Амма, «Давидофф» ХЭТ (2 м 43 с. 60);

III миэстэ – Блэк Грек, Таатта (2 м 51 с. 20).

Бу бириискэ 3 эрэ сүүрүк кытынна. Онон бары бириискэ тигистилэр. Санатар буоллахха, былырыыҥҥы кыайыылаах Голд Фарт быйыл да иннин биэрбэтэ.
 

В. Ф. Кабохин аатынан бириис. 1800 м. Саха сиригэр төрөөбүт тиҥэһэлэргэ.

Быйылгы СӨ «ДЕРБИ» бирииһигэр сырсыахтаах сэттэ тиҥэһэ илин былдьаста. Уҥуоргу көнөҕө тахсаат, Кылаана Куо сүүрүүнү баһылаан, инники биэтэккэ киирдэ. Верба эрийэ сатаан, сэниэтэ эстэн, тэтимин бытаардыбытыгар Шугар Кид Верба иннигэр түстэ.

I миэстэ ‒ Кылаана Куо (2 м. 00 с. 70);

II миэстэ ‒ Шугар Кид (2 м 03 с. 50);

(Иккиэн мэҥэ хаҥаластар. Баайааччылара Станислав Тимофеев. Кылаана Куо сүүрдээччитэ Семен Гаврильев)

III миэстэ ‒ Верба (2 м 06 с. 60, Амма, И. Строд аатынан ТХПК).

Ламан Леча

Дьокуускай куорат Баһылыгын  бирииһэ. 4800 м. Чииптээхтэр.

Чииптээх 11 ат Дьокуускай баһылыга Евгений Григорьев сиэдэрэй оҥоһуулаах кубогын уонна 1 мөлүйүөн солк. бирииһин ылардыы оҥостон сүүрдүлэр:

I миэстэ – Буойун, «Давидофф» ХЭТ, Амма (6 м 20 с. 68). Тириэньэрэ Анатолий Баишев, жокейа Анатолий Куличкин;

 II миэстэ – Эрэл, Таатта (6 м 31 с. 00);

III миэстэ – Дьаҕылтай, Нам (6 м 46 с. 70);

IV миэстэ – Кылбар (6 м 52 с. 50. Мэҥэ Хаҥалас).

Бу сылгылар Саха Өрөспүүбүлүкэтин Бырабыыталыстыбатын бэрэссэдээтэлин бирииһигэр биир көстөөх уһуҥҥа сырсаллара күүтүллэр.

«Туймаада хочотун» бирииһэ. 3200 м. Сиэнчэрдэр.

I миэстэ – Хабиб (4 м 3 с. 3, Хаҥалас.) Хаһаайына уонна баайааччыта Артур Бояров, жокейа Андрей Черниченко;

II миэстэ – Бэлиэ (4 м 3 с. 80, Хаҥалас);

III миэстэ – Буцефал (4 м 15 с. 12, Чурапчы).

 

«Өлүөнэ өрүс» бирииһэ. 1600 м. Сиэнчэрдэр.

Бу бириискэ алта сылгы сүүрдэ:

I миэстэ – Таймыын (1 м 57 с. 8, Мэҥэ Хаҥалас). Тириэньэрэ Станислав Тимофеев, сүүрдээччитэ Егор Оконешников;

 II миэстэ – Рыжик (1 м 59 с. 59, Чурапчы);

 III миэстэ – Уйгуура (2 м 00 с. 06, Мэҥэ Хаҥалас).

ИД 2023 с. кыайыылаахтара

ИККИС КҮН

Тыйдар. 1000 м.  «Сайыҥҥы бириис» 

I миэстэ – Умсуура, Мэҥэ Хаҥалас. Тириэньэрэ Станислав Тимофеев, сүүрдээччитэ Егор Оконешников;

 II миэстэ – Партия, Сунтаар;

III миэстэ – Нейтрон, Амма («Давидофф» ХЭТ).

1000 м. «Критериум»

I миэстэ – Грин Кард, Нам. Баайааччыта Сергей Ядреев, сүүрдээччитэ Иннокентий Иванов;

II миэстэ – Деленджер, Ньурба;

III миэстэ – Квит, Үөһээ Бүлүү.

1600 м. ЮГОРИЯ уонна РИК хампаанньалар бириистэрэ

I миэстэ – Спартанец Ром, Таатта. Сергей Васильев дьарыктыыр, сүүрдээччитэ Анатолий Куличкин;

II миэстэ – Бумеранг, Үөһээ Бүлүү;

III миэстэ – Магриб, Мэҥэ Хаҥалас.

ИД бирииһин кыайыылааҕа Ламан Леча

ИЛ ДАРХАН БИРИИҺЭ. 2400 м.

Саха Өрөспүүбүлүкэтин Баһылыгын бирииһэ олохтонуоҕуттан Туймаада ыһыаҕын муҥутуур тыҥааһыннаах сүүрдүүтүнэн буолла.

1. Былырыыҥҥы чемпион Крит ‒ Мэҥэ Хаҥалас. Тириэньэрэ Станислав Тимофеев, жокейа Семен Гаврильев.

2. Райзинг Кинг ‒ Горнай. Баайааччыта Василий Игнатьев, сүүрдээччитэ Станислав Гончаров.

3. Торреро ‒ И. Строд аатынан ТХПК, Амма. Николай Громов дьарыктыыр, жокейа Арсен Шиков.

4. Ламан Леча ‒ И. Строд аатынан ТХПК, Амма. Тириэньэрэ уонна сүүрдээччитэ Спиридон Тимофеев.

5. Гольфстрим Ван ‒ «Давидофф» ХЭТ, Амма. Баайааччыта Анатолий Баишев,  жокейа Сергей Старицын.

6. Князь Болотоков ‒ Чурапчы. Тириэньэрэ Дмитрий Осипов, сүүрдээччитэ Роман Ларионов.

7. Байсар Барс ‒ Сунтаар. Сергей Васильев дьарыктыыр, жокейа Валентин Иванов.

8. Эллизиум ‒ Ньурба. Баайааччыта уонна сүүрдээччитэ Семен Лиханов.

9. Йортен ‒ «Давидофф» ХЭТ. Амма. Тириэньэрэ Анатолий Баишев,  жокейа Анатолий Куличкин.

10.  Аутлендер ‒ Нам. Баайааччыта Сергей Ядреев, сүүрдээччитэ Иннокентий Иванов.

Старт. Көрөөччүлэр иннилэринэн ааһыыга сүүрүктэр чөмөх-чөмөх икки бөлөҕүнэн ааһаллар. Инники бөлөҕү Эллизиум баһылыыр. Ламан Леча, Торреро, Йортен, Гольфстрим Ван кэннилэриттэн үс уста кэриҥэ хаалан, атын утарсааччылара ааһаллар. Уҥуоргу көнө түмүктүүр эргииригэр киириигэ Ламан Лечо инники тахсан сырдыктанар. Биэтэк көнөтүгэр иккискэ Князь Болоторков тахсар, үһүс – Аутлендер, төрдүс – Байсар Барс. Маннык сүүрдүүнү түмүктүүллэр.

I миэстэ ‒ Ламан Леча, сүүрүүтүн 2 м 38 с. 2 көрдөрүүлээх түмүктээн, Иннокентий Саввич Свинобоев ‒ Тыыннаахап аатынан «Дьөһөгөй» ипподромун рекордун тупсарда;

II миэстэ ‒ Князь Болотоков, 2 м 38 с. 7;

III миэстэ ‒ Аутлендер, 2 м 39 с. 8.

Чемпион Ламан Леча баайааччытынан уонна сүүрдээччитинэн Москваҕа киин ипподромҥа уһуйуллууну ааспыт Амма улууһун төрүт ыччата Спиридон Тимофеев буолар. Саха сиэринэн төрүччүтүн ырытан көрдөххө, хос эһэтиттэн саҕалаан Тимофеевтар бука бары Дьөһөгөй куттаахтар.

Ол курдук хос эһэтэ Василий Васильевич, эһэтэ Василий, абаҕата Иннокентий «Дьокуускай» сопхуос ааттаах сүүрүктэрэ Молодой-I, Огонегу, Дайар Хараны, Мальчигы, Усталааҕы, Сернаны уо.д.а. баайбыт, сүүрдүбүт дьон. Кинилэри кытта тэҥҥэ үлэлэспит Юрий Федоровы, Николай Кычкины ааттыыр тоҕоостоох. Онтон аҕата Василий  «И. Строд» аатынан ТХПК сылгыһытынан үтүө суобастаахтык, таһаарыылаахтык үлэлээн, билигин кэпэрэтииби салайар.

Спиридон Тимофеев

3200 м. Саха Өрөспүүбүлүкэтин Бырабыыталыстыбатын бирииһэ

I миэстэ – Талбан, Мэҥэ Хаҥалас. Тириэньэрэ Станислав Тимофеев, сүүрдээччитэ Егор Оконешников;

II миэстэ – Голден Асс, Андрей Неустроев кэтэх сылгыта;

III миэстэ – Динамика, Ньурба.

Сүүрдүү кылаабынай судьуйатынан Н.П. Степанов салайааччылаах Саха Өрөспүүбүлүкэтин Ат спордун бэдэрээссийэтин чилиэннэрэ үлэлээтилэр. Сүүрдүүлэргэ спонсордаабыт тэрилтэлэргэ, сүүрэр суолу оҥорбут Иван Федоровка баайааччылар, сүүрдээччилэр, көрөөччүлэр ааттарыттан дириҥ махталбын тиэрдэбин!

Сонуннар

Ордук ааҕаллар

Үлэ олоҕу киэргэтэр, дьарык киһини сайыннарар
Дьон | 14.09.2023 | 12:00
Үлэ олоҕу киэргэтэр, дьарык киһини сайыннарар
Быйыл Таатта нэһилиэгин олохтоохторо, үлэни өрө туппут Екатерина, Михаил Бурнашевтар ыал буолбуттара үйэ аҥаара буолла. Хаһыат бүгүҥҥү нүөмэригэр дьиэ кэргэн истиҥ ийэтин, эйэҕэс эбэтин кытта сэһэргэһиибитин ааҕыҥ.
Дария Маркова:  «Сахам омуга кэтит кэскиллэниэ, уһун тускулланыа»
Дьон | 20.09.2023 | 18:00
Дария Маркова: «Сахам омуга кэтит кэскиллэниэ, уһун тускулланыа»
Туһунан, ураты өйдөөх-санаалаах, кэскиллээх, инникигэ эрэллээх, дойдум туһа диэн көмөҕө инники күөҥҥэ сылдьар ыччат, эдэр дьон баалларыттан киһи эрэ үөрэр, санаата көтөҕүллэр. Үгүс киһи билиҥҥи ыччаты мөҕөр-этэр да, тулабытын көрүннэххэ, дойдубутун тутан хаалыах, чөл толкуйдаах, булугас өйдөөх, күүстээх санаалаах оҕолорбут элбэхтэр эбээт. Мин биир оннук эдэр киһини, “Аламай” аһымал пуонда...
Грипп уонна ОРВИ ыарыыларын утары сэрэтэр миэрэлэри дьүүллэстилэр
Сонуннар | 15.09.2023 | 13:00
Грипп уонна ОРВИ ыарыыларын утары сэрэтэр миэрэлэри дьүүллэстилэр
Куорат баһылыгын социальнай боппуруостарга солбуйааччы Наталья Степанова Олохтоох дьаһалта санитарнай-эпидемиологическэй хамыыһыйатын мунньаҕын ыытта диэн Олохтоох дьаһалта пресс-сулууспата иһитиннэрдэ.
Йога олоҕу уларытар күүһэ
Дьон | 15.09.2023 | 12:00
Йога олоҕу уларытар күүһэ
Аныгы балысхан сайдыылаах үйэҕэ туох барыта көрүөх бэтэрээ өттүгэр уларыйар-тэлэрийэр. Тас эйгэ дьайыытыгар баһыйтаран, бириэмэ сырсыытыгар сылдьан, сорох киһи бэйэтин көрүммэт, онтон сылтаан ис туруга ыһыллар, ыарыыга түргэнник бэринэр.