27.09.2022 | 18:00

Чулуу судаарыстыбаннай деятеллэр пааматынньыктарыгар сибэкки дьөрбөтүн уурдулар

Саха сирин Судаарыстыбаннаһын күнүнэн киин куоракка саха норуотун чулуу уолаттарын, биллиилээх судаарыстыбаннай уонна уопсастыбаннай деятеллэрин сырдык өйдөбүллэрин кэриэстээтилэр.
Чулуу судаарыстыбаннай деятеллэр пааматынньыктарыгар сибэкки дьөрбөтүн уурдулар
Ааптар: Киин Куорат
Бөлөххө киир

Бу күн, үгэс быһыытынан,  Платон Ойуунускай, Максим Аммосов, Исидор Барахов, Алексей Кулаковскай, Степан Аржаков, Степан Васильев, Илья Винокуров, Гавриил Чиряев, Юрий Прокопьев, Владимир Ларионов пааматынньыктарыгар сибэкки дьөрбөтүн уурдулар.

Уһулуччулаах судаарыстыбаннай деятель Платон Алексеевич Ойуунускай пааматынньыгар Ил Дархан Айсен Николаев, киин куорат баһылыга Евгений Григорьев, Ил Түмэн бэрэссэдээтэлин солбуйааччы Антонина Григорьева, Дьокуускай куораттааҕы Дуума бэрэссэдээтэлэ Альберт Семенов, өрөспүүбүлүкэ Бырабыыталыстыбатын чилиэннэрэ, норуодунай дьокутааттар, Дьокуускай куораттааҕы Дуума дьокутааттара, Саха сирин Уопсастыбаннай палаататын бэрэстэбиитэллэрэ, куорат уопсастыбаннаһа, ыччат сибэкки дьөрбөтүн уурдулар.

***

Исидор Никифорович Барахов пааматынньыгар сибэкки дьөрбөтүн уурууга СӨ Бырабыыталыстыбатын Бэрэссэдээтэлин солбуйааччы Ольга Балабкина, Ил Түмэн наукаҕа, үөрэҕириигэ, култуураҕа, информацияны киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева, куорат баһылыгын солбуйааччы – Олохтоох дьаһалта аппараатын салайааччыта Руслан Тимофеев, Үөһээ Бүлүү улууһун «Балаҕаннаах нэһилиэгэ» муниципальнай тэриллии баһылыга Степан Дмитриев кытыннылар.

***

Саха литературатын төрүттээччи, биллиилээх судаарыстыбаннай деятель Алексей Елисеевич Кулаковскай пааматынньыгар сибэкки дьөрбөтүн уурууга СӨ Бырабыыталыстыбатын Бэрэссэдээтэлин солбуйааччы Сергей Местников, Ил Түмэн дьиэ кэргэн уонна оҕо саас дьыалаларыгар сис кэмитиэтин бэрэссэдээтэлэ Алена Атласова, куорат баһылыгын солбуйааччы Владимир Аржаков уонна суруйааччы сиэнэ, РФ уонна СӨ култууратын үтүөлээх үлэһитэ Раиса Кулаковская кытыннылар.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...