15.12.2020 | 12:20

Чэпчэки атлетика легендата Мария Неустроева

Чэпчэки атлетика легендата  Мария Неустроева
Ааптар: Киин Куорат

Чэпчэки атлетика тыыннаах легендата буолбут Мария Романовна Неустроева сүрдээх элбэх мэтээллэрин остуолга тэлгээн олорор хаартыската интэриниэт ситиминэн киэҥник тарҕаммыта.

Кини  - чэпчэки атлетикаҕа спорт маастара, Арассыыйа хомуур хамаандатын чилиэнэ. Ахсынньы 14 күнүгэр 72 сааһын туолла.

Мария Романовна Мэҥэ Хаҥалас улууһун Төхтүрүгэр олорор, 4 оҕо ийэтэ, 10 сиэн, 2 хос сиэн эбээтэ. Олохтоох кулуупка “Алгыс” үҥкүү ансаамбылыгар, “Сардаана” вокальнай ансаамбылга дьарыктанар, “Оллоон” бөлөххө олоҥхолуур – соторутааҕыта ыытыллыбыт өрөспүүбүлүкэтээҕи күрэххэ лауреат буолбуттар:

--“Интэриниэккэ тарҕаммыт хаартысканы ким ыытан кэбиспитин билбэппин. Ити мин үйэм тухары мунньубут мэтээллэрим. Барыта бэйэм киэннэрэ. Сорохтор “коллекциялаабыт быһыылаах” диэбиттэр этэ. Былыр сүүрдэххэ мэтээл биэрбэт этилэр, кыракый жетон курдугу уонна грамота туттараллара – олор сүтүтэлээбиттэр. Кэнники сылларга мэтээл биэрэр буолбуттарын мунньан испитим.

Олоҕум устатын тухары чөл олоҕу пропагандалыыбын. 1965 сыллаахтан сүүрүүнэн дьарыктанабын. 2006 сылтан Арассыыйа сборнайыгар киирэн тас дойдуларга уончата тахсан ситиһиилээхтик кыттан кэлбитим. Австрияҕа, Италияҕа, Швецияҕа, Финляндияҕа, Польшаҕа уо. д.а. дойдуларга сүүрбүтүм. Омук сириттэн 25 мэтээли аҕалбыппын олус күндүтук саныыбын. Сахам сирин аатын түһэн биэрбэтэхпиттэн үөрэбин, киэн туттабын.

Элбэх өрөспүүбүлүкэтээҕи күрэхтэргэ кыайбытым. Аан дойдуга Арассыыйа хамаандатыгар киириэхпиттэн кыттар буолбутум. Кэлэр-барар айаным ороскуотун үксүн бэйэм уйунааччыбын. Бастаан 1-2-тэ спонсордыы сылдьыбыттара. Кэлин аймахтарым, дьүөгэлэрим көмөлөһөллөр. Бэйэм кирэдьиит да ылан күрэхтэһиилэргэ кыттан кэлээччибин.

Ордук табыллан 5-10 км сүүрэбин, полумарафоннарга да барсааччыбын. 2018 сыллаахха Москваҕа ыытыллар марафоҥҥа кыттан, бэйэм саастыылаахтарбар бэһис кэлбитим. Билигин сүүрбэтим кэриэтэ – спортсаалаҕа көҥүллээбэттэр, күрэхтэһиилэр да буолбатылар.

1972 сыллаахха Төхтүргэ кулуупка ананан кэлбитим. Дьиҥэ култуура эйгэтин үлэһитэбин. Араас салааҕа үлэлээн баран, билигин биэнсийэҕэ олоробун. Соҕотох буоламмын хаһаайыстыба эҥин туппаппын, оҕолорбор кыаҕым баарынан көмө буола сатыыбын.

Икки сыллааҕыта, 70 сааспын туолбуппар, Аллараа-Бэстээххэ сир учаастагын бэлэхтээбиттэрэ. Онтукабын билигин да ыла иликпиттэн хараастабын. Умнууга хаалаары гынна быһыылаах. Наар эрийэн санатабын даҕаны, биэрэ иликтэр...” , - диир Мария Романовна.

Сонуннар

Ордук ааҕаллар

Бэрт былдьаһар норуот сайдыбат
Сытыы муннук | 01.05.2021 | 20:45
Бэрт былдьаһар норуот сайдыбат
«Сахалар сүрдээх сэмэй омукпут ээ» дэһэбит ардыгар. Бу бэйэбитин омук быһыытынан сыаналанар быһыыбыт дуу, эбэтэр оннук майгылаахпыт, култууралаахпыт, сиэрдээхпит эбитэ дуу?   Саха кырдьаҕас омугунан биллэр. Өбүгэбит олоххо муударай көрүүтэ үйэлэртэн үйэлэргэ өс хоһоонунан, сахабыт тылын дэгэтинэн хоһуйуллан, күн бүгүҥҥэ диэри тиийэн кэллэҕэ. Үтүө быһыыны оҥордоххо, “Үтүө үтүөнэн эргиллэн кэлэр”...
Тимир ууһа олоҕу кытта тэҥҥэ хардыылыыр
Дьон | 03.05.2021 | 10:34
Тимир ууһа олоҕу кытта тэҥҥэ хардыылыыр
Саха сиригэр коронавирус ааспыт сылга кэлбитэ. Туох-ханнык балаһыанньа үөскүөхтээҕин ким даҕаны билбэт этэ. Икки атахтааҕы таҥнары баттыыр ыарыыбыт уоскуйар санаата суох. Бу дьаҥы утары охсуһар биир саамай көдьүүстээх тэрилинэн салгыны ыраастыыр рециркуляторы ааттыахха сөп. Саха сиригэр биир бастакынан олоххо киллэрбит киһинэн «Якутия» технопаарка резиденэ Иннокентий Уран буолар.   Иннокентий Уран...
Тренер үлэтэ үрдүктүк сыаналанна
Дьон | 03.05.2021 | 10:58
Тренер үлэтэ үрдүктүк сыаналанна
Ханнык баҕарар нэһилиэк, сир-дойду аатырар онно олорор дьонунан-сэргэтинэн, кинилэр суон сурахтарынан, оҥорон хаалларбыт дьыалаларынан. Бүгүн биһиги хаһыаппыт ыалдьыта, чахчы да, килбиэннээх олоҕу олорбут, үтүмэн үгүс үлэни үлэлээбит-хамсаабыт, ыччаты спортка, хайыһарга сыһыарбыт, нэһилиэк биир түс-бас, тумус туттар киһитэ, олохтоох самодеятельность актыыбынай кыттыылааҕа, улахан буукубаттан суруллар Учуутал, Тренер Григорий Константинович Дьячковскай. Бу...
Икки кэнтиниэн күүстээхтэригэр
Спорт | 26.04.2021 | 09:09
Икки кэнтиниэн күүстээхтэригэр
Айаал Азияны аймыыр Ааспыт өрөбүллэргэ Алматы куоракка Азия чемпионата ыытылынна. Маннык түһүлгэҕэ сахаттан кыһыл көмүс мэтээли бастакынан Леонид Спиридонов 2006 сыллаахха 66 кг ылары ситиспитэ. Кини Азиятааҕы оонньууларга боруонсаҕа тиксэн турар. Орто ыйааһыҥҥа Семен Семенов иккитэ призердаабыта.  Ол гынан саамай элбэх мэтээли сахалартан  баар-суох бухатыырбыт Айаал Лазарев хомуйбута. Кини саамай...