13.10.2022 | 10:00

Быйылгы былаан 98,5% туолан турар

Быйылгы былаан 98,5% туолан турар
Ааптар: Айталина Софронова

Куорат суолларын өрөмүөнэ билигин даҕаны салҕанар. Алтынньы 11 күнүгэр дьаһалта суруналыыстарга үлэ хаамыытын билиһиннэрдэ. 
Санатар буоллахха, Дьокуускай куорат суоллара «Куттала суох уонна хаачыстыбалаах суоллар» национальнай бырайыак чэрчитинэн оҥоһуллар. 
Бүгүҥҥү туругунан, былааннаммыт үлэ 98,5% туолан турар, диэн «Главстрой» МХТ исписэлиистэрэ пресс-десант кэмигэр иһитиннэрдилэр.

Түмүктүүр түһүмэх

Уон эбийиэккэ үлэ тиһэх түһүмэҕэ ыытылла турар. Ол курдук, Ленин проспегар, Ильменскэй, Яков Потапов, Очиченко, Птицевод, Маяковскай, Уустаах Избеков уулуссаларыгар, ону сэргэ Глухой уулуссаҕа уонна Щорс күөлүн кытыытынан учаастактарга аспаал үлэтэ, тротуардары, бэлэсипиэт суолларын оҥоруу түмүктүүр түһүмэххэ кэлбит.

 

Кеша Алексеев уулуссата

Суруналыыстары үс аадырыска сырытыннардылар. Маҥнайгы эбийиэгинэн Кеша Алексеев уулуссатыттан Гимеин эргииригэр диэри учаастак буолла. Урут бу уулусса, туох кистэлэ кэлиэй, буомбанан дэлби тэптэриллибиттэн итэҕэһэ суох курдуга. Билигин остуол ньуурун курдук көбүс-көнө буолбут. Тротуардары саҥардыы, оптуобус хармааннарын аспааллааһын курдук быстах үлэлэр хаалан тураллар эбит. Инчэҕэй үлэлэр, ол иһигэр аспаалы кутуу, Росавтодор бигэргэппитинэн, 10 кыраадыска тиийэ тымныыга оҥоһуллуохтарын сөп, диэн «Главстрой» МХТ дириэктэрин солбуйааччы Афанасий Александров иһитиннэрдэ. Кини этэринэн, күн-дьыл ардаан-хаардаан мэһэйдиир түгэннэригэр, анал технологическай каарталар оҥоһуллаллар. Холобура, инчэҕэй үлэ ыытыллыан иннинэ учаастагы ыраастаан, куурдан бэлэмниир эбиттэр. Бу күн кыра сөҥүүлээх буолан, халлаан маннык туругар үлэ хайдах ыытылларын, этэргэ дылы, «тутан туран» көрдүбүт – ардахтан, хаартан хайдах ыраастыылларын, куурдалларын.

«Күүстээх тымныылар түһүөхтэрин иннинэ аспаал үлэтин бүтэрэр соруктаахпыт. Номнуо икки биригээдэ киирэн үлэлээри олорор. Көрбүккүт курдук, аспаал куурдуллубут учаастакка ууруллар. Тоһоҕолоон эттэххэ, үлэ хаачыстыбата мантан эмсэҕэлээбэт», - диир Афанасий Александров.

Манна даҕатан эттэххэ, мэктиэлээх болдьох устатыгар, өскөтүн сыыһа-халты тахсар түгэнигэр, бэдэрээтчит тэрилтэ бэйэтин суотугар итэҕэстэри туоратыахтаах.

«Суол үлэтин бары көрүҥэр мэктиэлээх болдьохтор туруоруллубуттара. Ол курдук, тупсарыы үлэтигэр — 5-тэн 7 сылга диэри, акылаатыгар — 8 сыл», — диэн эбэн эттэ Афанасий Александров.

Ильменскэй уулуссата

Салгыы иккис учаастакка айаннаатыбыт — Ильменскэй уулуссата. Биһиги тиийбиппитигэр, үлэһиттэр оруобуна уу ааһар турбатын уура сылдьаллар. Бу уурулла сылдьар турбанан уу Билибин уулуссатынан Бүлүүлүүр суолга тахсар. Сарсын-өйүүн учаастакка аспаал үлэтэ былааннанар уонна салгыы Билибин уулуссатын өттүгэр тахсаллар эбит. Үлэ хаамыыта болдьохтон улахан хаалыыта суох диэн иһитиннэрдилэр. Санатан эттэххэ, Чайковскай уулуссатыттан Билибин уулуссатыгар диэри 1 км 637 м усталаах суол оҥоһуллар.

 

Глухой уулусса

Ильменскэй уулуссатын кэнниттэн Киин уокурук Глухой уулуссатыгар (переулок) тиийдибит. Өрөмүөн үлэтэ номнуо бүппүт, бу сайын сылдьарбытыгар суол-иис омооно да көстүбэт этэ.

«Аспаал сүрүн суолга бүүс-бүтүннүү ууруллан турар, бу нэдиэлэ бүтүүтэ туора сытар уулуссаларга ууруллуоҕа. Канализация ситимин аһардар үлэлэр эмиэ түмүктэнэн тураллар. Бүгүҥҥү күҥҥэ болҕомто, сүрүннээн, сырдатыыга уонна ууну аһардар ситимнэргэ ууруллар. Хантараак быһыытынан, үлэ алтынньы ый 31 күнүгэр диэри түмүктэниэҕэ»,- диир «Главстрой» МХТ суол тутуутугар отделын сүрүн исписэлииһэ Роберт Константинов.

Суол үлэтэ түмүктэнэрэ бэрт кылгас кэм хаалла. Быйылгы былааҥҥа киирбит эбийиэктэр тиһэх болдьохторо – алтынньы 31 күнэ. Оҥоһуллар суол уопсай уһуна 34,6 км. Чахчы, үлэ, халлаан туругун аахсыбакка, бары технологияны тутуһан, күөстүү оргуйара харахха быраҕыллар: антах көр – үлэһиттэр, манна көр – аспаалы тэлгэтии тохтообот. Куорат олохтоохторо да бэлиэтииллэринэн, суол оҥоһуута, тупсарыы да үлэлэрэ быйыл хаһааҥҥытааҕар да сытыытык, балысханнык бара тураллар. Оттон Олохтоох дьаһалта, сүрүн сакаасчыт «Главстрой» МХТ да өттүттэн хонтуруол күүстээх.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...