27.01.2023 | 21:11

Быйыл 500 кыбартыыра күлүүһэ туттарыллыаҕа

Быйыл 500 кыбартыыра күлүүһэ туттарыллыаҕа
Ааптар: Киин Куорат
Бөлөххө киир

Дьокуускай куорат Олох-дьаһах сыһыаннаһыыларыгар департаменын начаалынньыгын солбуйааччы Вадим Семенов:
– Бүгүҥҥү күҥҥэ Дьокуускайга 1159 дьиэ хаарбах туруктааҕынан билиниллэн турар. Манна 35 тыһыынча киһи олорор.
Билигин үлэлии турар нэһилиэнньэни хаарбах туруктаах дьиэттэн көһөрүү бырагырааматыгар итинтэн 162 эрэ дьиэни киллэрии ситиһиллэн турар. Бу – 2017 сыл тохсунньу 1 күнүгэр диэри хаарбах туруктааҕынан билиниллибит дьиэлэр. Ол иһигэр, холобура, 17-с кыбаарталтан өрөспүүбүлүкэтээҕи хаарбах туруктаах дьиэттэн көһөрүү бырагырааматын иккис түһүмэҕэр 11 эрэ дьиэ киирэн турар. Ол эрээри 2023 сылга Дьокуускай куорат өрөспүүбүлүкэ таһымнаах бырагыраама иккис түһүмэҕин болдьоҕун иннинэ толороору олорорун этэр тоҕоостоох. Тоҕо диэтэххэ өскөтүн инники сылга 10-15 дьиэни көһөрбүт буоллахпытына, билигин 115-тэн тахса дьиэҕэ тиийдэ. Онон Саха Өрөспүүбүлүкэтин бырабыыталыстыбатын кытта бу түһүмэх болдьоҕун күүппэккэ, кэлэр түһүмэҕи саҕалыырга үбүлээһини көрдөөн эрэбит. Манна биир табыгастаах ньыманан «Звезднай», «Спортивнай» дьоҕус оройуоннар курдук Территориялары комплекснайдык сайыннарыы (КРТ) бырайыагын олоххо киллэрии буолуон сөп.
Маневреннай дьиэ пуондата эмиэ болҕомтону эрэйэр. Бүгүҥҥү күҥҥэ бу сыалга киин куоракка 81 хос туттуллар. Бу – быстар кыра сыыппара. Оттон өрөспүүбүлүкэ баһылыга маневреннай дьиэ пуондатын тутар соругу туруорбутунан, бу хайысхаҕа үлэ ыытыллар. 
«Звезднай» дьоҕус оройуон икки маҥнайгы дьиэтигэр кыбартыыралар күлүүстэрин туттубут даҕаны, көһөн киириэхтээх дьоҥҥо биллэриэхпит. Бэлиэтээн эттэххэ, быйыл хаһааҥҥытааҕар даҕаны элбэх, 500 кыбартыыра күлүүһүн туттарыахпыт.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...