06.10.2022 | 14:00

Быстах хомуурга барбыт гражданнар дьиэ кэргэттэригэр материальнай көмөнү биэрии саҕаланна

Быстах байыаннай хомуурга барбыт дьон дьиэ кэргэттэригэр социальнай көмөҕө сайаапканы тутуу саҕаланна. Сайаапканы E-YAKUTIA.RU портал, госуслуги сайт эбэтэр «Мои документы» киин нөҥүө биэриэххэ сөп.
Быстах хомуурга барбыт гражданнар дьиэ кэргэттэригэр материальнай көмөнү биэрии саҕаланна
Ааптар: Киин Куорат
Бөлөххө киир

Сайаапканы көрүү болдьоҕо – 10 үлэ күнүн устата. Биир сайабылыанньаны биэрэн баран хас даҕаны көмөнү ылыахха сөп.

 — Биир кэмнээх 200 тыһыынча солкуобай көмө;

— Оҕо уһуйааныгар төлөбүртэн босхолонуу (сокуоннай бэрэстэбиитэл сулууспалыыр кэмин устатыгар);

— Оскуола остолобуойугар босхо аһылык (5-11 кылаас оҕолоро);

— Доруобуйаны бөҕөргөтөр лааҕырдарга босхо путевка (6-18 cаастаах оҕолорго);

— Үрдүк уонна орто үөрэх кыһаларыгар (целевой үөрэх) тус сыаллаах үөрэххэ дуогабар түһэрсии;

— Устудьуон төрөппүтэ эбэтэр сокуоннай бэрэстэбиитэлэ сулууспалыырын тухары үрдүк стипендия;

— Сулууспаҕа сылдьар киһи төрөппүттэригэр санаторийга, курортка босхо эмтэнии.

Байыаннай сулууспаҕа сылдьар киһи дьиэ кэргэнигэр ким хапсарый?

Сокуонунан холбоһон ыал буолан олорор кэргэнэ уонна төрөппүт оҕолоро (сокуоннай саастарын сиппит оҕолор эмиэ киирсэллэр). Итиэннэ кэргэнэ суох, сулумах киһи сулууспаҕа барбыт буоллаҕына, бу көмөнү кини төрөппүттэрэ, бииргэ төрөөбүттэрэ эбэтэр тастыҥ эдьиийдэрэ, балыстара, бырааттара, убайдара туһаныахтарын сөп.

Ханнык докумуоннар наадаларый?

— Пааспар;

 — Дьиэ кэргэн бары чилиэннэрин СНИЛС-тарын реквизиттэрэ;

— Аймахтыы буолары туоһулуур докумуон;

 — Кэргэннии буолууну туоһулуур докумуон;

 — Оҕо төрөөбүтүн туһунан туоһулуур докумуон;

— Араспаанньа уларыйбытын туоһулуур докумуон;

 — Сирэй счет реквизиттэрэ.

Бэрэстэбиитэл бэйэтэ бу көмөҕө наадыйар буоллаҕына, пааспара уонна судургу суругунан дэбиэрэннэс наада.

Байыаннай сулууспаҕа сылдьар дьоҥҥо кимнээх киирсэллэрий?

 — Суһал байыаннай хомуурга ыҥырыллыбыт киһи.

— 2022 сыл олунньу 24 күнүттэн Донбасс сиригэр-уотугар байыаннай эпэрээссийэҕэ сылдьыбыт киһи.

 — 2022 сыл олунньу 24 күнүттэн баҕа өттүнэн хантараагынан байыаннай сулууспаҕа барбыт киһи.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Ытык сирдэнэр буоллубут!
Куорат олоҕо | 09.05.2024 | 18:00
Ытык сирдэнэр буоллубут!
Кулун тутар 15 – муус устар 30 күннэригэр ыытыллыбыт Бүтүн Арассыыйатааҕы рейтиннээх куоластааһыҥҥа Саха сириттэн хаһааҥҥытааҕар да элбэх – 125 156 киһи кыттыыны ылбытын туһунан Ил Дархан уонна Бырабыыталыстыба пресс-сулууспата иһитиннэрэр.   Ол иһигэр Дьокуускай куораттан былырыыҥҥытааҕар икки төгүл элбэх – 52 271 киһи куоластаабыт (былырыын – 29 679 киһи).  «Куорат...
Саха сириттэн сэриигэ  ат хомуура
Сонуннар | 09.05.2024 | 12:00
Саха сириттэн сэриигэ ат хомуура
1941-1945 сыллардааҕы Аҕа дойду Улуу сэриитигэр дойду үрдүнэн ат хомуура диэн барбыта. Сэриигэ киһини кытта тэҥҥэ биир төһүү тыыннаах күүһүнэн ат буолбута. Кыһыл Аармыйа 1 мөлүйүөн 9 тыһыынча атыттан сэриигэ мөлүйүөнтэн ордугун сүтэрбитэ.   Аты таһар-тиэйэр күүс быһыытынан эрэ буолбакка, кавалерияҕа кытта туһаммыттара. Байыаннай-ветеринарнай сулууспа күүскэ үлэлээбитэ. Маныаха 6507 ветврач уонна...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...