Быстах байыаннай хомуур боппуруостарынан Координационнай киин тэрилиннэ
Координационнай киин улуустар түмсүүлэрин кытта Арассыыйа Армыыйатын кэккэтигэр ыҥырыллыбыттары тиһиктээхтик хомуйууга, дааннайдарын бэрэбиэркэлээһиҥҥэ, реабилитация үлэтин сүрүннүүргэ уонна төннөн кэлэр боппуруостарын быһаарарга үлэлэһиэҕэ.
Быстах байыаннай хомуур боппуруостарынан СӨ Байыаннай Комиссариатыгар уонна Байыаннай прокуратуратыгар туһуламмыт сайабылыанньалары тутар аадырыс: Дьокуускай куорат, Курашов уул., 24, 4-с этээс, 401-с кэб. Итиэннэ сайабылыанньалары oprs11@mail.ru электроннай аадырыска ыытыахха сөп.
Гражданнартан сайабылыанньа киирдэҕинэ СӨ Уопсастыбаннай палаатата суруктары СӨ Байыаннай Комиссариатыгар уонна Байыаннай прокуратуратыгар ыытар.
Киирбит сайабылыанньалар суһаллык көрүллэллэр, ол иһигэр Бүтүн Арассыыйатааҕы норуодунай фроҥҥа уонна «Биир Ньыгыл Арассыыйа» Баартыйа уопсастыбаннай приемнайыгар киирбит суруктар.
Сайабылыанньа суруйарга юристар көмөлөһүөхтэрэ. Консультация ылар төлөпүөн нүөмэрэ: 8 (4112) 507-363.
Итини сэргэ Координационнай кииҥҥэ быстах байыаннай хомуурга барбыт гражданнар дьиэ кэргэттэригэр уонна нэһилиэнньэҕэ психологическай көмө оҥоһуллар.
Психологическай көмөҕө үлэ күннэригэр эрийэр нүөмэр: 8 (4112) 31-91-09.
Сонуннар
Ордук ааҕаллар
