01.06.2023 | 23:45

Бырагыраамаҕа киирбэтэх дьиэлэр кыһалҕалара

Бырагыраамаҕа киирбэтэх дьиэлэр кыһалҕалара
Ааптар: Киин Куорат
Бөлөххө киир

Баһылык Евгений Григорьев Строительнай уокурук ордук кыһалҕалаах дьиэлэрин олохтоохторун кытта уочараттаах көрсүһүүтэ Пионерскай уул., 21, 23 тиэргэннэригэр буолан ааста. 
Көһө сылдьар мунньахха куорат баһылыгын солбуйааччы Антон Алексеенко, уокурук управатын салайааччыта Василий Пинигин, «Юнион» Салайар хампаанньа, Олохтоох дьаһалта структураларын бэрэстэбиитэллэрэ кыттыыны ыллылар. 
Олохтоохтор кыһалҕалара - олорор дьиэлэрин туруга, саас хаар кэмигэр тиэйиллибэтэ, ол уута кэмигэр оборторуллубата, бөх хомуллубата, баһаары сэрэтэр автономнай оборудованиелар арахсыбыттара, электричество уотун ситимин туруга. 
Управа быйыл саҥа анаммыт баһылыга Василий Пинигин иһитиннэрбитинэн, бу саас былырыыҥҥыттан үс төгүл элбэх уу оборторуллубут: 2022 сыл - 23 тыһ. куб/м, 2023 сыл - 70 тыһ. куб/м. Аҥаардас Пионерскай уул., 21 дьиэ тиэргэниттэн 6 тыһ. куб/м уу тиэйиллибит, Пионерскай уул., 23 – 6,5 тыһ. куб/м тахса. Маннык балаһыанньа, биллэн турар, дьиэлэр намыһах сиргэ туралларыттан эмиэ тахсар. «Куорат хаһаайыстыбатын дьаһайар сулууспа» дириэктэрин солбуйааччы Светлана Чусовская иһитиннэрбитинэн, балаһыанньаны быыһыыр сыалтан бу дьиэлэр анныларыгар үөскүүр ууну хомуйар холуодьас оҥорор уонна Жорницкай уулуссатын лотоктарыгар таһаарар, ону сэргэ ардах, хаар уутун оборторор носуос-пуомпалары туруорар былаан баар эбит. 
«Дьиэ-уот сыһыаннаһыыларыгар департамент» МХТ дириэктэрин солбуйааччы Вадим Семенов иһитиннэрбитинэн, Пионерскай уул., 21 дьиэтэ 2018 сылга саахалланар туруктааҕынан билиниллибит, оттон Пионерскай уул., 23 –  2020 эрэ сыллаахха. Онон саахалланар туруктаах дьиэлэри көһөрүү федеральнай бырагырааматыгар хапсыбаттар. Оттон 2, 4 уонна 17 кыбаарталлары комплекснай сайыннарыы бырайыагынан көһөрүү былааныгар 2026-2029 сс. тураллар.

Пионерскай уул., 21 дьиэҕэ 16 кыбартыыраттан иккитэ – муниципальнай, 14 – чааһынай бас билиигэ. Ол эрээри хаһаайыттар үгүстэрэ манна олорботтор, икки кыбартыыра олохтоохторо мантан атын олорор дьиэлэрэ суох. Пионерскай уул., 23 дьиэ эмиэ 16 кыбартыыралаах, ол иһигэр 6 кыбартыыра – муниципальнай, 10 – чааһынай. Дьиэ 11 кыбартыыратыгар дьон куруук олорор, тоҕус кыбартыыра хаһаайыттара мантан атын олорор дьиэлээхтэр, ол иһигэр өрөспүүбүлүкэ тас өттүгэр.
Көһө сылдьар мунньах түмүгүнэн куорат дьаһалтата кыһалҕалаахтарга көмөлөһөр атын суолу-ииһи көрдүүр соругу туруорунна.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...