15.06.2023 | 13:55

Бу сайын ханнык уулуссалар өрөмүөннэнэн бүтэллэрий?

Бу сайын ханнык уулуссалар өрөмүөннэнэн бүтэллэрий?
Ааптар: Киин Куорат
Бөлөххө киир

Бүгүҥҥү, бэс ыйын 15 күнүнээҕи туругунан, киин куоракка уопсайа 13 сиргэ уулусса-суол ситимин өрөмүөнэ бара турар. Бу курдук аны кыһыҥҥа диэри уопсайа 19 эбийиэк ирдэбилгэ эппиэттиир гына оҥоһуллан бүтүөхтээх, чуолаан 10 эбийиэккэ хапытаалынай өрөмүөн ыытыллар, 9 эбийиэккэ - өрөмүөн, уларытан оҥоруу үлэтэ. Бэлиэтээн эттэххэ, «Хаачыстыбалаах уонна куттала суох суоллар» национальнай бырайыак куорат иһин эрэ буолбакка, нэһилиэктэри эмиэ хабар. Ол курдук быйыл Табаҕаҕа уонна Тулагыга үстүү суолга, Сыырдаахха уонна Мархаҕа биирдии суолга улахан өрөмүөн оҥоһуллар. 
Хапытаалынай өрөмүөн:
1.      Ленин проспегын Хабаров уулуссатыттан Краснояров уулуссатыгар диэри кэрчигэ;
2.      Бабушкин уулуссатын Сэбиэскэй Аармыйа 50 сыла уулуссаттан Очиченко уулуссаҕа диэри кэрчигэ;
3.     Челюскин уулуссатын Сэбиэскэй Аармыйа 50 сыл уулуссаттан Беринг уулуссатыгар диэри кэрчигэ;
4.      Бүлүүлүүр суол быһа охсуһуутун Лермонтов уулуссатыттан Объездной шоссеҕа (1-кы пусковой комплекс) диэри кэрчигэ;
5.      Севернай кыбаарталлар суоллара (1-кы уочарат);
6.      Кузьмин уулуссата (1 учаастак);
7.      Табаҕа бөһүөлэгин Центральнай уулуссата;
8.    Островскай уулуссата;
9.  Табаҕа бөһүөлэгин Комсомольская уулуссата;
10. Табаҕа бөһүөлэгин Строительнай уулуссата.

Өрөмүөн:
1.      Поярков уулуссатына Дзержинскэй уулуссатыттан Октябрьскай уулуссаҕа кэрчигэ;
2.   Винокуров уулуссатын Ильменскэй уулуссатыттан Чайковскай уулуссатыгар диэри кэрчигин уларытан оҥоруу;
3. Аржаков уулуссатын Чернышевскай уулуссатыттан Киров уулуссатыгар диэри кэрчигэ;
4. Хаан тутар станцияҕа киирэр суол;
5. Оҕо сэллик санаторийыгар киирэр суол (Покровскай тракт, 8 км);
6. «Хочо» СОТ муостаттан эргийэр балаһааккаҕа диэри суола;
7. Мархаҕа Ветеранская уулусса;
8. Сыырдаахха Кымньыылаах уулусса;
9. Тулагыга Первомайскай, Совхознай уонна Строительнай уулуссалар.
Онон аны кыһыҥҥа диэри былааннаммыт 22 км оннугар 30 км курдук суол ирдэбилгэ эппиэттиир гына оҥоһуллуохтаах. 
Эрдэ суруйбуппут курдук, «Хаачыстыбалаах уонна куттала суох суоллар» национальнай бырайыагынан Дьокуускай куоракка кэлэр 2024 сылга оҥоһуллуохтаах 7,3 км суолу оҥорорго эбии 267 мөл. солк. кээмэйдээх анал хааһына кирэдьиитэ тыырыллан турар. Онон, «Главстрой» МХТ суол тутуутугар салаатын начаалынньыга Владимир Макаров иһитиннэрбитинэн, 2023-2024 сылларга Дьокуускай куоракка 23 эбийиэккэ үлэ ыытыллыахтааҕыттан, быйыл улахан аҥаарын, ол эбэтэр 19 эбийиэги түмүктүүрү былаанныыллар.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...