25.07.2020 | 18:03

Болдьохтон хаалыыны туоратарга

Болдьохтон хаалыыны туоратарга
Ааптар: Киин Куорат

Дьокуускай куорат кыстыкка билиҥҥэттэн бэлэмнэнэр. Ааспыт нэдиэлэҕэ куорат баһылыга Сардаана Авксентьева видеоконференц сибээһинэн тустаах штаб үлэтин билистэ.

Баһылык солбуйааччыта Роман Сорокин иһитиннэрбитинэн, 1763 элбэх кыбартыыралаах дьиэҕэ ититии систиэмэтэ ыраастанна. Былырыын бу кэмҥэ 1723 элбэх кыбартыыралаах дьиэ хабыллыбыт. Уопсайа 2704 дьиэҕэ ыраастааһын үлэтэ ыытыллыахтаах.

От ыйын 16 күнүнээҕи туругунан, Дьокуускайга ититии сезонугар былаан 40,4 бырыһыана туолла. Киин, Губинскай, Промышленнай уокуруктар үрдүк көрдөрүүлээхтэр, Сайсары, Марха микрооройуона, Маҕан, Табаҕа, Тулагы-Киллэм –  намыһах.

“Ааспыт кыһын теплоноситель температурата намыһах диэн олохтоохтор үҥсүбүттэрэ. Бэрэбиэркэ кэмигэр дьиэлэргэ сылааһы биэрии нуормаҕа эппиэттиирин, оттон кыбартыыраларга тымныытын быһаарбыппыт. Оннук буоллаҕына, бүтүн дьиэ үрдүнэн ыраастааһын үлэтэ куһаҕаннык ыытыллыбыт”, – диэтэ Сардаана Авксентьева. Онон тустаах дьон үлэни тутуохтарын иннинэ,  дьиэлэр ситимнэрин ыраастааһыҥҥа улахан болҕомтону ууралларыгар соруйда.

“Теплоэнергия” акционернай уопсастыба иһитиннэрбитинэн, бэлэмнэнии үлэтэ болдьоҕу тутуһар, итии уунан хааччыйыы ситимин өрөмүөнэ былааны аһара толорон иһэр. Маны таһынан тэрилтэ болдьохтон хаалан иһэр салайар хампаанньалары ааттаталаата. Онуоха баһылык солбуйааччыта Роман Сорокин ол хампаанньалары кытта көрсүһэргэ, хаалыы биричиинэтин быһаарарга этии киллэрдэ.

“Атырдьах ыйын 1 күнүгэр ититии сезонугар бэлэмэ суох буолуу туһунан иһитиннэриини Дьокуускай куорат прокуратуратыгар тиэрдиэхпит”, – диэтэ Сардаана Авксентьева.

БКЭ болдьоҕо көһөрүллэн, сыҕарыйан биэрэн, ититии сезонугар бэлэмнэнии үлэтэ хойутаан саҕаламмыт. Ол эрээри эксээмэннэр түмүктэннэхтэринэ, көрдөрүүнү ситиһиэхпит диэн үөрэх управлениета эрэннэрдэ. “БКЭ-ни атырдьах ыйын 8 күнүгэр диэри ыытабыт. Ол кыстыкка бэлэмнэниигэ мэһэйдиэ суоҕа”, – диэтэ үөрэх управлениетын үлэһитэ.

Дьокуускай куоракка баар доруобуйа харыстабылын тэрилтэлэрин ылан көрдөххө, 70 эбийиэктэн 20-тигэр ититии ситимин ыраастаатылар. Бу ый бүтүөр диэри былаан 50 бырыһыана туолуохтаах, эбии 16 эбийиэккэ үлэ барыахтаах.

Култуура уонна духуобунай сайдыы управлениетын тэрилтэлэрин 14 эбийиэгэр үлэ түмүктэммит. Ол аата уопсай былаан 45 бырыһыана туолбут. Дьокуускай куорат уокуругун физическэй култуураҕа уонна спорка управлениетын иһитиннэриитинэн, бу ыйга 7  спортивнай оскуолаттан түөрдүгэр сүрүн үлэ түмүктэммит.

“Бу ый бүтүөр диэри болдьохтон хаалыыны туоратарга сүрүн болҕомтону ууруохха диэн өссө төгүл тоһоҕолоон этэбин. Өскөтүн үлэ хаамыыта тэтимирбэтэҕинэ, атырдьах ыйын 1 күнүгэр прокуратураҕа тиэрдиэхпит”, – диэн этиинэн куорат баһылыга мунньаҕы түмүктээтэ.        

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Киин куорат  мураллара
Куорат олоҕо | 11.09.2021 | 13:17
Киин куорат мураллара
Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр. Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт.  Мурал – дьиэ эркинигэр эбэтэр иһигэр уруһуйданар уустук ойуу.   «Айыыһыт» Ханна баарый? Лермонтов уул., 56, Щорс...
Тамара Верховцева: «Куһаҕаны, үчүгэйи барытын кэпсиибин»
Дьон | 14.09.2021 | 13:30
Тамара Верховцева: «Куһаҕаны, үчүгэйи барытын кэпсиибин»
Хаһыаппытыгар дөрүн-дөрүн ураты дьоҕурдаах, айдарыылаах дьону тиһигин быспакка сырдатабыт. Манна даҕатан эттэххэ, кинилэр бэйэлэрин талааннарын кэмэ кэллэҕинэ эрэ биирдэ кэпсииллэр. Бүгүҥҥү дьоруойбун кытта бу кыһын кэпсэтиэхтээх этибит да, кэмэ илик буолан, соннук хаалан хаалбыта. Тамара Прокопьевна Верхоцевалыын төлөпүөнүнэн сэһэргэстим. - Дорообо! Саха дьонун сиэринэн кэпсэтиибитин бэйэҕин билиһиннэрииттэн саҕалыахха... - Үөһээ...