13.10.2022 | 18:00

Болҕойуҥ: чараас мууска кииримэҥ!

СӨ Тырааныспарга уонна суол хаһаайыстыбатыгар министиэристибэтэ тура илик мууһунан көҥүлэ суох сырыы дьон олоҕор олус кутталлаах буоларын туһунан санатар.
Болҕойуҥ: чараас мууска кииримэҥ!
Ааптар: Киин Куорат
Бөлөххө киир

Итиннэ эбии халтараанынан сибээстээн уһулуччу сэрэхтээх буолуу ирдэнэр. Куттал суоһабатын курдук, суоппардар суол быраабылаларын тутуһуҥ, тырааныспар суолугар сылаас таҥаскытын, уматыккыт саппааһын илдьэ сылдьыҥ.

Чараас мууһунан айанныыртан туттунуҥ, халыҥыырын кэтэһиҥ, өрүһү туоруур сирдэргэ турар информационнай бэлиэлэргэ болҕомтолоох буолуҥ. Мууска түргэнник сүүрдэн кииримэҥ, киирдэххитинэ – тохтоомоҥ, атын массыыналары ситэ сатаамаҥ, ыарахан уйуктаах таһаҕаһы тиэйимэҥ. Тумаҥҥа, буурҕаҕа айанныыртан туттунуҥ.

Өрүс суола сабыллар болдьоҕо:

- киин өрүстэргэ – алтынньы 10 - 22 күннэриттэн,

- Алдан өрүскэ – алтынньы 12 күнүттэн,

- Өлүөнэ – Алдан өрүс тардыыта – Дьокуускай учаастагар – алтынньы 16  күнүттэн,

- Дьокуускай – Сиинэ учаастакка – алтынньы 18  күнүттэн.

Өлүөнэ өрүскэ Дьокуускай уонна Аллараа Бэстээх икки ардыгар паром сырыыта быһа холоон алтынньы 16 - 20 күннэригэр тохтуура былааннанар. Бүлүү өрүһү туорааһын балаҕан ыйын 30 күнүттэн алтынньы 3 күнүгэр диэри тохтоото, Алдан өрүскэ «Мэҥэ Алдан – Кэскил» туорааһын, күн-дьыл туругуттан көрөн, алтынньы 14 - 16 күннэригэр тохтуоҕа.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...