07.11.2021 | 16:00

Болҕомтоҕут уҕараабатын

Болҕомтоҕут уҕараабатын
Ааптар: Татьяна Олесова, педагогическай үлэ бэтэрээнэ

Билигин киһи туохтан барытыттан куттанар, дьиксинэр кэмэ кэлэн турар.

Быйыл сайын дойдубар тахсан сайылаан олордохпуна, поликлиникаттан эрийэн, аналиһыҥ мөлтөх, киирэн көрдөрдөххүнэ табыллыыһы диэннэр, кырдьаҕас киһи санаам түһэ, утуйар уум аймана сырыттым. 
Киирэммин талоҥҥа тиксэммин, направление биэрэннэр, биир сарсыарда эрдэ 17-с кыбаарталга үлэлиир поликлиникам филиалыгар көрдөрүнэ айаннаатым. 
Нэдиэлэ устата икки, үс күн арыттаах икки суол көрдөрүүнү аастым. Ыарахан соҕус процедуралары этэҥҥэ ааһаммын, арыый уоскуйарга дылы буоллум. Эндоскопическай кабинекка көрдөрүнэ киирэр дьон салла соҕус уочаракка олороллорун бу күннэргэ көрөн итэҕэйдим.
Бачча сааспар диэри ыарыһахха, кыһалҕаларынан көрдөрүнэ кэлэр дьоҥҥо эйэҕэстик, болҕомтолоохтук сыһыаннаһар эмп үлэһиттэрин көрсө илик эбиппин. Идэлэригэр чахчы бэриниилээх эрэ дьон үлэлиир кабинеттара эбит диэн бигэ санааҕа кэллим. Күннэтэ араас ыарахан да туруктаах дьону көрөр-истэр манан аҕай буолбатаҕа чахчы. Ол курдук кинилэр (быраас уонна сиэстэрэ) үлэлэрэ эппиэтинэстээҕин, ыараханын өйдөөн, букатын биир киһи курдук ыарыһахтарын көрөр-истэр эбиттэр. 
Бу эндоскопическай кабинекка күннэтэ элбэх ыарыһах кинилэр көрүүлэрин, быһаарыыларын ааһар буолуохтаах. Тута ыарыы түмүгүн суруйан, наада буоллаҕына быһааран, илиилэригэр туттаран ыытар эбиттэр.
Кабинет үлэһиттэрэ кимнээҕин сыыйа билиһиннэрдэххэ, сиэстэрэнэн Тамара Гаврильевна Алексеева диэн Саха Өрөспүүбүлүкэтин доруобуйатын харыстабылын туйгуна үлэлиир. Кини түөрт оҕо күн күбэй ийэтэ, 7 сиэн тапталлаах эбээтэ. Тамара Гаврильевна 2019 сыллаахха «Лучшая медсестра параклинической службы» диэн ааты ылар чиэстэммит. 
2020 сыллаахха поликлиника иһинэн «Лучший по профессии» диэн сиэстэрэлэр үлэлэрин түмүк кыайыылааҕа буолбут. Бу I №-дээх поликлиникаҕа Тамара Гаврильевна 1995 сыллаахтан үлэлиир. Аата-суола да этэринэн, үлэтигэр кыһамньылааҕа, ыарыһахха болҕомтолооҕо тута харахха быраҕыллар. Тамара Гаврильевна, этэҥҥэ сылдьан, өссө да бу эппиэттээх үлэҕэр үлэлээ, ыарыһах дьон махталын ыла тур диэн ис сүрэхтэн баҕарабын. Эн курдук эйэҕэс-сайаҕас, кыһамньылаах, болҕомтолоох сиэстэрэ элбии турдун!
Оттон бырааһынан үрдүк квалификационнай категориялаах эндоскопист быраас, Саха Өрөспүүбүлүкэтин доруобуйатын харыстабылын туйгуна Аркадий Егорович Едукин үлэлиир эбит. Кини 1993 сыллаахха Красноярскай куорат  Мединститутун бүтэрбит. Аркадий Егорович хоту Аллайыаха улууһун Чокуурдааҕыттан төрүттээх эбит, эмиэ түөрт оҕо амарах аҕата, биир сиэннээх. I №-дээх поликлиникаҕа 2006 сылтан үлэтин саҕалаан, номнуо 15 сыл буола охсубут. Аркадий Егоровичтан үлэҥ, идэҥ туһунан кыратык сэгэтэн кэпсиэҥ дуо диэбиппэр, маннык кэпсиир: «Мин сиэстэрэбэр табыллыбыт бырааспын. Ол курдук, Тамара Гаврильевналыын биир тыла суох өйдөһөн, тапсан үлэлиибит. Профессиональнай өттүнэн медицинскэй процедура, биопсия ылаары гыннахпына, тута элбэх саҥата суох биир санааҕа кэлэбит.
Билиҥҥи кэмҥэ онкология наһаа элбээтэ. Ол иһин биһиги эндоскопическай кабинеппыт поликлиникаҕа аһыллыбыт «Центр амбулаторной онкологической помощи” састаабыгар киирсэр. Куртаҕы, очоҕоһу бүтүннүү иһиттэн көрөбүт. Урология өттүнэн хабаҕы эмиэ анал эндоскобунан диагностика оҥоробут. Рак ыарыы баар, ол иһин эрдэттэн диспансеризация ааһыахха наада. Куттаммакка куртаҕы, очоҕоһу кэмиттэн кэмигэр көрдөрүнэ сылдьыахха наада», - диэн түмүктээтэ Аркадий Егорович. 
Ити курдук кэмигэр кэлэн көрдөрүнэн, харыстана, бэрэбиэркэлэнэ сылдьарбар элбэх сүбэ-ама ылан дьиэлээтим. 
Дириҥ билиилээх, идэлэрин чахчы баһылаабыт Тамара Гаврильевнаҕа уонна Аркадий Егоровичка кыһалҕалаах дьоҥҥо өрүү болҕомтоҕут уҕараабатын, үлэҕит таһаарыылаах буоллун диэн баҕарыыларбын тиэрдэбин.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...