Биэрэпис эһиилгигэ көстө

Быйыл алтынньыга ыытыллыахтаах бүтүн Арассыыйатааҕы нэһилиэнньэ биэрэпиһэ, коронавирус сыстыганнаах дьаҥа тарҕаммытынан, 2021 сыл муус устар ыйыгар көстө. Саҥа ыытыллыахтаах биэрэпис биир сонун уратыта – киһи бэйэтэ биэрэпиһи ааһар кыахтанар.Судаарыстыбаннай өҥө порталыгар (gosuslugi.ru) киирэн докумуону толоруохха сөп. Маны таһынан олорор сиринэн «стационарнай» учаастактарга, судаарыстыбаннай  өҥөнү оҥорор «Мин докумуоннарым» киин иһинэн биэрэпиһи ааһыахха сөп.

Санатан эттэххэ, 2010 сыл биэрэпиһинэн өрөспүүбүлүкэ олохтоохторун ахсаана 958 528 киһи этэ.

Биэрэпискэ 18 сааһын туолбут ким баҕалаах үлэлиэн сөп. Үлэһиттэр анал үөрэҕи ааһаллар. Баҕалаах дьон sakha@gks.ru электроннай почтаҕа суруйан эбэтэр 8(4112)42-45-17, 8(4112)34-16-23 төлөпүөннэргэ эрийэн билсиэхтэрин сөп.