Биэнсийэни иккитэ ылыахтара

Ахсынньы ыйга хас ый 8 чыыһылатыгар ылар биэнсийэлээхтэргэ 2023 сыл тохсунньу ыйдааҕы төлөбүрдэрэ эмиэ киириэ. Бу туһунан Г.В. Плеханов аатынан РЭУ кафедратын доцена Галина Семенова иһитиннэрдэ.
“Хас ый 8 чыыһылатыгар диэри биэнсийэ ылааччыларга 2023 сыл тохсунньу ыйдааҕы биэнсийэ эмиэ түһүөҕэ. Бастатан туран, уһун бырааһынньыктар, биэнсийэ түҥэтэр сулууспа үлэһиттэрэ сынньаналлар, иккиһинэн, сорох биэнсийэлээхтэргэ почтаттан харчыларын дьиэлэригэр илдьэн биэрэллэр”, – диэн этиллэр. Маныаха атыттарга бигэргэммит графигынан биэнсийэлэрэ кэмигэр кэлиэҕэ диэн бэлиэтииллэр. 
РФ Федерациятын Сэбиэтин социальнай кэмитиэккэ баһылыгы солбуйааччы Елена Бибикова эрдэ биллэрбитинэн, Украинаҕа байыаннай дьайыыга сылдьан инбэлиит буолбуттар икки биэнсийэни тэҥинэн ылар бырааптаахтар. Маны таһынан икки биэнсийэни анал байыаннай эпэрээссийэҕэ өлбүттэр төрөппүттэрэ эмиэ ылыахтарын сөп диэн Бибикова эбэн эттэ.