Бибилэтиэкэни сайыннарыы иһин анал бэлиэ баар буолуоҕа

Саха сирин бибилэтиэкэрдэрин түмсүүтэ Култуура уонна духуобунай сайдыы министиэристибэтигэр «СӨ бибилэтиэкэни сайыннарыыга кылаатын иһин» анал бэлиэни олохтуур туһунан этии киллэрдэ, диэн  министиэристибэ пресс-киинэ иһитиннэрэр.

Ол курдук, кулун тутар 22 күнүгэр СӨ Култуураҕа уонна духуобунай сайдыыга министиэристибэтин коллегиятыгар этиллибит көҕүлээһини миниистир Юрий Куприянов, Саха сиригэр тыһыынчаттан тахса ахсааннаах араас таһымнаах бибилэтиэкэҕэ күн бүгүн икки тыһыынча кэриҥэ исписэлиис үлэлии сылдьарын ыйан туран, өйөөтө.

– Саха Өрөспүүбүлүкэтэ Арассыыйа саамай ааҕар регионун аатын ылбыта, Кинигэ уонна ааҕыы территориятынан ааттаммыта – биллэн турар, бибилэтиэкэ үлэһиттэн тус өҥөлөрө, – диэн бэлиэтээтэ миниистир. Саха сирэ биир саамай ааҕар регион аатын ылбытын биһиги бибилэтиэкэлэрбит «Култуура» национальнай бырайыак туруорбут былаанын аһара толорбуттара эмиэ туоһулуур.

Онон, миниистир бэлиэтээбитинэн, «СӨ бибилэтиэкэни сайыннарыыга кылаатын иһин» түөскэ иилинэр анал бэлиэ өрөспүүбүлүкэ билиэтиэкэлэрин өссө үрдүк таһымҥа таһаарыыга дьоһун кылааты киллэрэр аналлаах. Оттон бочуоттаах бастакы бэлиэлэри Арассыыйаҕа бэлиэтэнэр Бибилэтиэкэ күнүнэн ыам ыйын 27 күнүгэр туттаралларын күүтэбит.