«Биһигини кэм талбыта»

Маннык ааттаах быыстапканы ыам ыйын 5 күнүттэн СӨ Национальнай библиотеката уонна Аҕа дойду буойуннарын дьиэ кэргэннэрин кэмитиэтэ анал байыаннай дьайыыга кыттыбыт, кытта сылдьар хорсун буойуннарга анаан көрдөрөллөр.

Быыстапка аһыллыытыгар Кэмитиэт салайааччыта Светлана Диодорова-Лаврентьева, СӨ ыччат уонна социальнай коммуникациялар дьыалаларыгар миниистирэ Петр Шамаев, СӨ култуураҕа уонна духуобунай сайдыыга миниистирин бастакы солбуйааччы Афанасий Ноев, байыаннай кэрэспэдьиэн Александр Хавренко, СӨ Уопсастыбаннай палаататын бэрэссэдээтэлэ Николай Бугаев, СӨ Национальнай библиотекатын дириэктэрэ Саргылана Максимова уо.д.а. кыттыыны ыллылар.

Бу күн Аҕа дойду Улуу сэриитин, Афганистан, Чечня сэриилэрин бэтэрээннэрин уонна Анал байыаннай эпэрээссийэ дьоруойдарын ахтан-санаан аастылар.

Быыстапкаҕа 50-тан тахса экспонат турда – байыаннай дьайыы тэриллэрэ, таҥастара, наҕараадалар, оҕолор уруһуйдара, миномет оскуолага, анал дьайыы кыттыылаахтарын тус, өйдөбүнньүк маллара о.д.а.

Быыстапка байыаннай сулууспалаахтар историяларын эрэ буолбакка, “Якутия с тобой!” волонтердар хамсааһыннарын, Аҕа дойду буойуннарын дьиэ кэргэннэрин Кэмитиэтин үлэтин-хамнаһын, ону таһынан кыайыы туһугар уонна буойуннары өйүүр “Саха-Волонтердар” хамсааһын туһунан сырдатар.

Быыстапканы оскуола оҕолоро, куорат олохтоохторо, ыалдьыттар кэлэн көрөн, билсэн бараргытыгар ыҥыраллар. Экскурсияны уонна уруогу библиотека үлэһиттэрэ ыыталлар, уһуна – 40 мүнүүтэ.

Эһигини Ленин проспега, 40, 2 этээскэ үлэ күннэригэр сарсыарда 09.00 чаастан киэһэ 19.00 чааска диэри күүтэллэр.

Билсэр төл.: 45-58-55

Хаартыскалары СӨ Национальнай библиотекатын Медиакиинэ биэрдэ.