Бэтэрээннэр – балыыһа киэн туттуута

Медицинскэй наука доктора Ольга Викторовна Татаринова салайааччылаах 3 №-дээх Өрөспүүбүлүкэтээҕи клиническэй балыыһа Эмтиир-реабилитациялыыр киинэ (ЛРЦ), норуокка биллэринэн «Якутзолото» балыыһата, сыллата территориятын көҕөрдүүгэ, тупсарыыга сүҥкэн болҕомтотун уурар. 
Быйыл бэтэрээннэр сырдык ааттарын үйэтитэр «Сад памяти» аахсыйа итинэн 57 маһы олортулар. 
Тэрээһин Саха АССР 100 уонна балыыһа тэриллибитэ 90 үбүлүөйдээх  сылларынан уонна сэрии хонуутугар охтубут буойуннар сырдык ааттарын үйэтитиигэ ананна. 
Субуотунньукка балыыһа бэтэрээннэрэ Ян Алексеевич Яковлев, Семён Семёнович Аргунов,  Пётр Николаевич Исаев,  Николай Васильевич Дьяконов көхтөөх кыттыыны ылбыттара кэлэктииби ордук көҕүлээтэ. ЛРЦ сэбиэдиссэйэ, РФ уонна СӨ үтүөлээх бырааһа Наталия Дмитриева бэлиэтэбитинэн, 11 маһы дьокутаат Сахамин Афанасьев биэрбит, 3 маһы бэтэрээннэр Ян Яковлев, Климент Иванов уонна Виктор Осипов бэлэх ууммуттар.
Бырайыагы көҕүлээччилэртэн уонна тэрийээччилэртэн биирдэстэрэ Ян Яковлев ЛРЦ территориятыгар Саха АССР 100 сылынан 100 маһы олордор баҕа санаалаах. Ян Алексеевич итини сэргэ скворечниктары бэлэхтээтэ.