19.10.2021 | 16:38

Бэс-Күөл сэлиэнньэтин олохтоохторо дьиэлэрин күлүүһүн туттулар

Бэс-Күөл сэлиэнньэтин олохтоохторо дьиэлэрин күлүүһүн туттулар
Ааптар: Киин Куорат
Бөлөххө киир

Алтынньы 18 күнүгэр Горнай улууһун Бэс-Күөл сэлиэнньэтин өссө 14 олохтоохторо саҥа тутуллубут дьиэлэрин күлүүһүн туттулар. Ити курдук, бу сайын ойуур баһаарыттан эмсэҕэлээбит 34 ыал кыстыгы көрсө бары саҥа дьиэлэригэр киирдилэр. 
«Бүгүн Бэс-Күөл сэлиэнньэтигэр 2021 сыл атырдьах ыйын 7 күнүгэр дьиэлэрэ умайбыт дьоҥҥо саҥа тутуллубут дьиэлэрин күлүүстэрин туттардыбыт. Сорох дьон итэҕэйбэтэҕэ да буоллар эппит тылбытын толордубут диэн үөрэбит. Саҥа дьоҕус оройуону уон хампаанньа тутан таһаарда. Дьиэлэри туттубут эрэ буолбатах, барыларын толору хааччыллыылаах оҥордубут, туох ирдэнэринэн хааччыйдыбыт. Билигин сэлиэнньэҕэ суол үлэтэ барыта түмүктэннэ, дьиэлэргэ түргэн тэтимнээх интэриниэт холбонно, саҥа хотоннор тутулуннулар, 100 төбө сүөһүнү аҕаллыбыт», – диэтэ Ил Дархан Айсен Николаев.  
Баһаартан эмсэҕэлээбит Бэс-Күөлү чөлүгэр түһэрэргэ өрөспүүбүлүкэ барыта кытынна, олохтоохторго Саха сириттэн уонна дойду атын регионнарыттан волонтердар кэлэн көмөлөстүлэр. Итини сэргэ өрөспүүбүлүкэтээҕи добровольческай штаб үлэлээн элбэх киһи харчынан көмө оҥордо.
«Барыгытыгар улахан махтал! Дойду бэрэсидьиэнигэр Владимир Владимирович Путиҥҥа, Уһук Илиҥҥэ Арассыыйа Бэрэсидьиэнин боломуочуйалаах бэрэстэбиитэлэ Юрий Петрович Трутневка көмөҕүт иһин махтанабын!», — диэтэ Айсен Николаев. 
Санатан эттэххэ, сэлиэнньэ олохтоохторугар өрөспүүбүлүкэ улахан тэрилтэлэрэ көмөлөспүттэрэ, ол иһигэр «АЛРОСА» 200 мөлүйүөн солкуобайы ыыппыта, Роснефть - 25 мөл. солк..

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.