05.08.2022 | 16:00

Бэлисипиэт спордун күнэ тэриллиэҕэ

Дьокуускайга бэлисипиэт спордун тарҕатааччылар түмсүүлэрэ таһаарыылаахтык үлэлээн эрэр. Аҕыйах хонуктааҕыта кинилэр куорат баһылыга Евгений Григорьевы кытта куоракка Бэлисипиэт спордун күнүн ыытарга сүбэлэстилэр.
Бэлисипиэт спордун күнэ тэриллиэҕэ
Ааптар: Розалия ТОМСКАЯ

Бэлисипиэт спордун киэҥ араҥаҕа билиһиннэрэр сыаллаах тэрээһин Саха АССР 100 сыллаах үбүлүөйүгэр ананыаҕа уонна балаҕан ыйыгар ыытыллыаҕа.

Көрсүһүүгэ бэлисипиэттээх дьон кыттыылаах суол саахала тахсара сыл аайы элбээн иһэрэ бэлиэтэннэ. Куорат суолларыгар бэлисипиэттээх дьон эчэйиитэ элбээтэ, бу көлөҕө саҥа олорооччулар суол быраабылаларын үөрэппэттэрэ, анал бэлиэлэри билбэттэрэ, харыстанар тэриллэри кэппэт буолаллара эмиэ баар суол.

«Куорат салалтата, биллэн турар, бэлисипиэттээх дьон билиилэрин кэҥэтэллэригэр ураты интэриэстээх. Биирдиилээн тэрээһиннэри ыытан, оскуолаларга оҕолору көрсөн элбэҕи кыайбаппыт. Дьон таптаан туттар көлөтүгэр, бэлисипиэт спордугар ситимнээх пропаганда үлэтэ наада буолла. Ол иһин биһиги быйыл балаҕан ыйын 4 күнүгэр ыытыллар тэрээһини дьүүллэстибит.

Дьокуускай киин улууссаларынан бэлисипиэттээхтэр парааттара буолуоҕа, онно ким баҕалаах барыта кыттарын хааччыйыахпыт. Икки көлүөһэлээх көлөнү таптааччылар уонна саҕалааччылар бырааһынньыктара буолуоҕа”, - диэн санаатын үллэһиннэ баһылык Евгений Григорьев.

Балаҕан ыйын 10 күнүгэр, Куорат күнүгэр, Ленин проспегын устун бэлисипиэттээхтэргэ критериум-сүүрдүү тэриллиэҕэ.

Бүлүү суолун 126 – 26 км шоссейнай сүүрдүү, Птицефабрикаҕа уонна Чочур Мырааҥҥа хайа бэлисипиэтинэн күрэхтэһии ыытыллыахтара.

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.