22.03.2023 | 15:14

Байыастары кытта иһирэх көрсүһүү

Саха Өрөспүүбүлүкэтин физическэй кулутуураҕа уонна спорка үлэһиттэрин идэлээх сойуустарын тэрилтэтэ анал байыаннай дьайыыттан эргиллэн кэлбит байыастары кытта көрүстэ.
Байыастары кытта иһирэх көрсүһүү
Ааптар: Баһылай ПОСЕЛЬСКАЙ
Бөлөххө киир

Кинилэр ортолоругар Покровскайдааҕы единоборствоҕа Олимпийскай эрэл оскуолатын каратэҕа, тхэквондоҕа тренердэрэ, бэйэлэрин кэмнэригэр өрөспүүбүлүкэ биллиилээх спортсменнара Андрей Артамонов, Михаил Абрамов, Иван Самсонов бааллар.

Өрөспүүбүлүкэ физическэй кулутураҕа уонна спорка үлэһиттэрин идэлээх сойуустарын салайааччыта Гаврил Сивцев этэринэн, бу ааспыт күһүн алтынньы ыйыгар военкомат бэбиэскэтинэн уонна бэйэлэрин баҕаларынан анал байыаннай дьайыыларга 13 үлэһиттэрин атаарбыттар. Министиэристибэ, профсоюзнай тэрилтэ уонна спортоскуола өттүлэриттэн кинилэргэ үбүнэн-харчынан, таҥаһынан-сабынан күүс-көмө оҥоһуллубут, дьиэ кэргэттэрин кытта ситим олохтоммут. Күн бүгүнүгэр диэри гуманитарнай көмө оҥоһулла турар.

Байыаннай дьайыыттан этэҥҥэ эргиллии хаһан баҕарар кэтэһиилээх уонна үөрүүлээх түгэн. Кулун тутар 14 күнүгэр Дьокуускай аэропордугар кэлбит байыастары спорт миниистирэ Леонид Спиридонов көрсөн махталын биллэрдэ, сэртипикээт туттарда. Көрсүһүүгэ Покровскайдааҕы единоборствоҕа Олимпийскай эрэл оҕо спортоскуолатын дириэктэрэ Александр Куприянов кыттыыны ылла.

Байыаннай дьайыыттан эргиллибит Михаил Абрамов Ис Дьыала уорганнарыгар үлэлии сылдьан Чечняҕа байыаннай дьайыыларга кыттыыны ылбыта, спорт бэтэрээнэ. Уола анал байыаннай дьайыыга ыҥырыллан сулууспалыы сылдьар. Эдэр-эмэн саастарыгар боксаҕа өрөспүүбүлүкэ чөмпүйүөнэ, бэстилиэтинэн ытыыга өрөспүүбүлүкэҕэ элбэхтик бастаабыта.

Андрей Артамонов Покровскай спортоскуолатыгар патриотическай иитии сэбиэтин чилиэнэ. Контакт-каратеҕа, фул-контакт каратеҕа, саньдаҕа, саватка, быраабылата суох охсуһууга уонна хапкидоҕа Сахатын сиригэр аан бастаан суолу тэлбит спортсмен.  Кыраныысса таһыгар күрэхтэһиилэргэ ситиһиилэринэн хара курдаах. Сэбиэскэй кэмҥэ профессионалларга WKA каратеҕа чөмпүйүөнэ, Ленинград куорат икки төгүллээх чөмпүйүөнэ, үгүс Бүтүн Сойуустааҕы уонна норуоттар икки ардыларынааҕы турнирдар кыайыылааҕа. ССРС боруонса призера. Финляндия уонна АХШ хамаандаларын кытта матчевай көрсүһүүлэр кыттыылааҕа. Япония хамаандатын утары киирсиигэ аан дойду сүүмэрдэммит хамаандатын чилиэнэ. Аан дойду үс төгүллээх чөмпүйүөнэ Иннокентий Макаровы, Азия чөмпүйүөнэ Виталий Шадрины, Европа медалиһа Маргарита Колодезникованы уо.д.а. иитэн таһаарбыта.

Иван Самсонов Покровскай спортоскуолатын тхэквондоҕа тренерэ.

Байыастар снайпер, разведчик, артиллерист быһыытынан араас чаастарга сулууспалаабыттар. Чечня Гудермес куоратыгар “спецназ университетыгар” бэлэмнэниини ааспыттар. Сахаларын сириттэн көмө оҥоһулларынан улахан махталларын биллэрэллэр. Атын байыастары единоборство көрүҥнэригэр үөрэппиттэр, патриотизм тыыныгар иитии-өйдөтүү үлэтин ыытан, болҕомто ортотугар сылдьыбыттар. Сытар ынаҕы туруорбат сымнаҕас майгылаах саха уолаттара тиийэннэр, “харахтара уоттанар”, хамсаналлара-имсэнэллэрэ сылбырҕа, хамандыырдар сорудахтарын,  бирикээстэри улгумнук, дэбигис толороллор диэн кэпсииллэр. “Тревожнай рюкзактарын” илиилэриттэн араарбакка, ханнык баҕар хайысхаҕа барарга мэлдьи бэлэмнэр диэн хайҕыыллар.

Ол курдук, уолаттарбыт айылҕаҕа, булка-алка сылдьа үөрүйэхтэринэн көтөртөн-сүүрэртэн, кыылтан-сүөлтэн астарын булунар сатабыллара, кытаанах усулуобуйаҕа тулуурдара, толлугаһа суохтара, хорсуннара атыттары сөхтөрөр диир. Сахаларын быһаҕын иилинэ, сиэри-туому, саха итэҕэлин тутуһа сылдьан, атын омуктар, олохтоохтор ытыктабылларынан туһаналлар эбит.

Босхоломмут уонна урусхалламмыт куораттары, дэриэбинэлэри чөлүгэр түһэрии күргүөмнээхтик  барар. Саха сирэ шефтээх Кировскай куораты саҥардан тутууга үлэ бөҕөнү ыытара биллэ-көстө олорор дииллэр. Олохтоох нэһилиэнньэ Арассыыйа көмөлөһөрүттэн үөрэрин, махтанарын биллэрэр.

Дойдуларыгар кэлэллэригэр ыччаты спорка уһуйуунан эрэ муҥурдаммакка, байыаннай-патриотическай иитиигэ болҕомтону күүһүрдэргэ сорудах, ыйыы-кэрдии ылбыттар. Умнууга хаалбыт начальнай-байыаннай бэлэмнэнии  (НВП) сөргүтүллүөхтээҕэ күүтүллэр. Дойдуларыгар тыа хаһаайыстыбатынан дьарыктанар санаалаахтар.

Көрсүһүү түмүгэр байыастар сэрии толоонугар дэлби тэппит снаряд тоорохойун өйдөбүнньүк быһыытынан Спорт музейыгар туттардылар. 

Ити курдук, Сахабыт сирин спортсменнара инники кэккэҕэ тураллара хайҕаллаах.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...