Байыаннай дьайыы зонатыгар 80 тыһыынчаттан тахса босхо баһыылка ыытылынна
Хас биирдии регион олохтоохторо анал байыаннай дьайыы зонатыгар сылдьар чугас дьоннорун кытта почта нөҥүө сибээстэһэллэр. Саха сириттэн 6 900 киилэттэн тахса ыйааһыннаах 1 269 босхо баһыылка ыытылынна.
Анал байыаннай дьайыы зонатыгар босхо баһыылкалары почтовай сибээс салааларыттан эрэ ыытыахха сөп. Операторга аһаҕас көрүҥнээх бэриллэр. Баһыылка ахсааныгар хааччахтааһын суох, ол эрэн хас биирдиитин ыйааһына 10 киилэттэн итэҕэс буолуохтаах.
Суруктары уонна баһыылкалары ыытарга 103400 индексы ыйыллар, «Москва куорат-400», итиэннэ араспаанньатын, аатын, аҕатын аатын уонна байыаннай чааһын нүөмэрин толору суруллар. Байыаннай чааһын нүөмэрин байыаннай сулууспалаахтартан бэйэлэриттэн эбэтэр военкоматтан ыйытыахха сөп.
«Байыаннай сулууспалаахтар баһыылкаларыгар олус эппиэтинэстээхтик сыһыаннаһабыт. Уолаттар наһаа күүтэллэрин билэбит, онон баһыылкаларын ураты кичэллээхтик оҥоробут уонна суһаллык тиэрдэбит», - диэтэ «Арассыыйа почтата» АУо генеральнай дириэктэрин бастакы солбуйааччы Максим Цыпин.
Дойду бүттүүнүттэн баһыылкалар Москваҕа почта логистическай киинигэр тиийэллэр. Ити кэнниттэн почта Оборуона министиэристибэтин бэрэстэбиитэллэригэр туттарар.
Сонуннар
Ордук ааҕаллар
