Байыаннай дьайыы кыттыылаахтарын оҕолоро оробуочай идэлэргэ босхо үөрэнэллэр

Байыаннай сулууспалаахтар оҕолорун босхо үөрэтии туһунан бүгүн, алтынньы 25 күнүгэр ыытыллыбыт брифиҥҥэ, Профессиональнай бэлэмнээһин киинин дириэктэрэ Владислав Хабаров иһитиннэрдэ.

«Бүгүҥҥү күҥҥэ 11 оҕо фотограф идэтигэр Аллараа Бэстээх тырааныспарын техникумар үөрэннилэр, Нерюнгрига 7 оҕо младшай медицинскэй сиэстэрэ идэтин баһылыыллар. Аны 200-чэ оҕо араас хайысханан үөрэнэрэ былааннанар.  Оҕолор өрөспүүбүлүкэ үөрэҕин кыһаларыгар оробуочай идэлэргэ босхо үөрэнэллэр», – диэтэ киин дириэктэрэ.

9-11 кылаас үөрэнээччилэрэ идэлэрин бэйэлэрэ талаллар – суоппартан саҕалаан сварщикка тиийэ.

«Үөрэх дьыла саҕаланыаҕыттан оҕолортон сайаапкалары хомуйдубут. Бастаан идэни таларга көмөлөһөр бэсиэдэлэри ыыттыбыт, Саха сиригэр ордук ханнык идэлэр ирдэнэллэрин туһунан кэпсээтибит», – диэн эбэн эттэ Владислав Хабаров.