06.10.2021 | 13:00

Бастыҥ учууталлары чиэстээтилэр

Бастыҥ учууталлары чиэстээтилэр
Ааптар: Киин Куорат
Бөлөххө киир

Алтынньы 5 күнүгэр, СӨ С.Н. Донской-II аатынан үөрэҕирии сайдыытын уонна квалификацияны үрдэтэр Институтугар  үөрэҕирии уонна наука миниистирэ Михаил Сивцев онлайн пуорманан өрөспүүбүлүкэ бастыҥ учууталларын кытта үөрүүлээх быһыыга-майгыга көрүстэ. Бу туһунан СӨ үөрэҕириигэ уонна наукаҕа Министиэристибэтин пресс-сулууспата иһитиннэрдэ. 
Учуутал Күнүн көрсө Саха өрөспүүбүлүкэтигэр Педагогическай декада чэрчитинэн араас таһымнаах тэрээһиннэр ыытылыннылар: «Точка роста» естественнэй – научнай уонна технологическай хайысхалаах үөрэҕирии Кииннэрэ, Жатайдааҕы техникум уонна Мирнэйгэ Светлайдааҕы региональнай техническэй колледж базаларыгар саҥа мастарыскыайдар арылыннылар, үөрэҕирии уонна наука миниистирэ оскуолаҕа киириэн иннинээҕи үөрэҕирии эйгэтигэр Бүтүн Арассыыйатааҕы уонна региональнай куонкурустар  лауреаттарын уонна дипломантарын, бэтэрээннэри, профессиональнай үөрэхтээһин эдэр  преподавателлэрин кытта көрүстэ, телевизионнай уонна радионан биэриилэр уонна  араас методическай тэрээһиннэр ыытылыннылар. 
Үөрүүлээх тэрээһиҥҥэ Михаил Сивцев үөрэҕирии эйгэтигэр судаарыстыбаннай бириэмийэлэр лауреаттарын эҕэрдэлээтэ. СӨ Ил Дарханын Ыйааҕынан, үөрэҕирии эйгэтигэр үтүөлэрин, өрөспүүбүлүкэ социальнай-экономическэй сайдыытыгар кылааттарын уонна өр сыллаах үтүө суобастаах үлэлэрин иһин  «СӨ үөрэҕириитин үтүөлээх үлэһитэ» бочуоттаах аат Абый орто оскуолатын дириэктэрэ Раиса Владимировна Бережноваҕа уонна Амма улууһун Сэргэ-Бэстээҕи сүрүн оскуола дириэктэрэ Мария Эдуардовна Борохинаҕа иҥэрилиннэ. 
Алдан 1 №-дээх орто оскуолатын алын кылаастарын учууталыгар Елена Дмитриевна Игнатьеваҕа,  Таатта улууһун Харбалаахтааҕы үөрэҕирии комплексын учууталыгар Валентина Семеновна Кривошапкинаҕа, Дьокуускай куораттааҕы национальнай гимназия учууталыгар Тамара Владимировна Михайловаҕа уонна Ытык-Күөл 1 №-дээх орто оскуолатын учууталыгар Равелла Иннокентьевна Пинигина-Сосинаҕа «СӨ үтүөлээх учуутала» бочуоттаах аат иҥэрилиннэ. 
Итини сэргэ өрөспүүбүлүкэ уонтан тахса бастыҥ учууталлара РФ үөрэҕириитин миниистирин бирикээһинэн РФ бэрэсидьиэнин бириэмийэтинэн наҕараадаланнылар.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...