17.05.2023 | 16:37

Бастыҥ бөҕөскө өйөбүл оҥоһулунна

Саха сиригэр социальнай суолталаах тутуулары ыытар Алексей Семенович Пинигин генеральнай дириэктэрдээх “Прогресс” ХЭТ өрөспүүбүлүкэ бастыҥ спортсменнарын өйүүр, көмөлөһөр.
Бастыҥ бөҕөскө өйөбүл оҥоһулунна
Ааптар: Киин Куорат
Бөлөххө киир

Былырыын “Прогресс” ХЭТ Дыгын оонньууларын абсолютнай чөмпүйүөнэ буолбут Алексей Уваровскайга 1 мөл. солк. уу харчынан туттарбыта. Итинник үс сыл кыайыылаахтарга төлөнөн кэлбитэ. Быйыл эмиэ салҕаныаҕа, бириэмийэ кээмэйэ улаатыаҕа.

Бу аҕыйах хонуктааҕыта эмиэ биир дьоһун хардыы оҥоһулунна. Көҥүл тустуу түһүлгэлэригэр, ол иһигэр Н.Н. Тарскай кэриэһигэр Саха Өрөспүүбүлүкэтин чемпионатыгар 70 кг бастаабыт, “Иван Ярыгин” норуоттар икки ардыларынааҕы Гран-при турнирыгар - боруонса, Улан-Удэҕэ Бурятия Өрөспүүбүлүкэтин Бэрэсидьиэнин “Baikal-open” Кубогар Арассыыйа күүстээх бөҕөһө Евгений Жербаевы ыраастык хотон кыһыл көмүс мэтээли ылбыт, Карачаево-Черкесияҕа буолан ааспыт Арассыыйа устудьуоннарын чемпионатыгар боруонса мэтээллэммит Константин Капрынову уонна кини тренерэ Егор Терентьевич Пономареву кытта “Прогресс” тутуу тэрилтэтин кэлэктиибэ көрүстэ, эҕэрдэлэр этилиннилэр. Таһаарыылаах үлэлээх тэрилтэ салайааччыта Алексей Пинигин инникитин элбэҕи эрэннэрэр эдэр бөҕөскө “Baikal-open” Кубогын кыайбытын иһин 50 тыһ.солк., Арассыыйа устудьуоннарыгар үһүс миэстэлэммитин иһин 30 тыһ. солк. наҕараадалаабыта дохсун ытыс тыаһынан доҕуһуолланна. Эдэр бөҕөскө алгыс тыллара этилиннилэр.

Билигин Константин Капрынов тириэньэриниин өрөспүүбүлүкэ сүүмэрдэммит хамаандатын кытта Алданнааҕы хайыһар киинигэр эрчиллэр-бэлэмнэнэр түмсүүгэ сылдьаллар. Тирээн турар сыал-сорук: бэс ыйын 13-16 күннэригэр Дагестан Каспийскай куоратыгар буолар Арассыыйа чемпионатыгар  бэлэмнэнии.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...