28.09.2021 | 18:06

Бастакы дьиэ күлүүһүн туттулар

Бастакы дьиэ күлүүһүн туттулар
Ааптар: Киин Куорат
Бөлөххө киир

Бүгүн, балаҕан ыйын 28 күнүгэр, Бэс Күөлүгэр баһаартан эмсэҕэлээбиттэртэн бастакы ыал – Екатерина уонна Алексей Саввиннар дьиэ кэргэттэригэр Ил Дархан Айсен Николаев илиититтэн дьиэлэрин күлүүһүн туттулар.  
Саввиннар икки о5олорун улаатыннаран, билигин сиэннэрин көрсөллөр. Кинилэр дьиэлэрэ "Кэскил" түөлбэҕэ биир бастакынан тутуллан киирдэ. Ил Дархан бэлиэтээбитинэн, баһаартан эмсэҕэлээбиттэргэ дьиэ тутуутун бастакы сыбаайата атырдьах ыйын 20 күнүгэр түһэриллибит. "Дьон бачча кылгас кэмҥэ саҥа дьиэлэри тутан бүтэриэхтэрэ диэн итэҕэйбэтэхтэрэ, оттон бүгүн сэлиэнньэҕэ тутуу тэтимнээхтик барарын көрөбүт. Ити биһиги күүспүтүн сомоҕолоон хайдах да ыарахаттары кыайар кыахтаахпытын көрдөрөр", – диэтэ  Айсен Николаев.


Ил Дархан Бэс Күөлүн олохтоохторугар бэйэлэрин баҕа өттүлэринэн көмөлөспүт дьоҥҥо махталын тириэртэ. Итини сэргэ, кини 200 уонна 25 мөл. солк. биэрбит "АЛРОСА" уонна "Роснефть" салалталарыгар махталын биллэрдэ. Киин куоракка уопсастыбанньыктар көҕүлээн үлэлэппит штабтара 7 мөл. 800 тыһ. солк. хомуйбут, ону эмсэҕэлээбитэргэ дьиэ тэрилэ атыылаһалларыгар түҥэтэллэр.
"Дьиэбит сырдык, тупсаҕай, үтүө суобастаахтык тутуллубут. Билигин саамай үчүгэй түбүктэр күүтэллэр. Биллэн турар, баһаар диэн наһаа ыарахан этэ, ол эрэн ону аастыбыт. Федеральнай уонна бэйэбит былааспытыгар, Владимир Путиҥҥа, Айсен Николаевка, тутааччыларга, бары көмөлөспүт дьоҥҥо муҥура суох махталбытын биллэрэбит. Кыһалҕалаах кэммитигэр элбэх киһи көмөлөһөн күүһү-уоҕу, эрэли биэрдэ", – диэтэ  дьиэ хаһаайката Екатерина Саввина.
Алтынньы 15 күнүгэр диэри Бэс Күөлүгэр чөлүгэр түһэрии үлэлэрэ түмүктэнэн, дьон үөрэ-көтө саҥа тутуллубут дьиэлэригэр киириэхтэрэ. Итини өрөспүүбүлүкэ бүттүүнэ долгуйа күүтэр.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...