15.07.2022 | 14:00

БАРЫАННЬА БАРАХСАН

БАРЫАННЬА БАРАХСАН
Ааптар: Киин Куорат
Бөлөххө киир

Кивиттэн джем

Кивини лааппыттан атыылаһан сиирбитин сөбүлүүбүт. Бу отон С битэмиининэн олус баай, ону тэҥэ калий, магний, никотиновай кислота баар – бу мэйии битэмииннэрэ. Күҥҥэ биир кивини сиэтэхпитинэ, сууккаҕа ылыахтаах битэмииммит нуорматын толоробут. Хат дьахталларга уһулуччу туһалаах фрукта быһыытынан биллэр.

Көннөрү кивини аһыырҕатар буоллахпытына, барыанньа оҥостон сиэхпитин сөп. Маныаха сымнаабыт киви кытта барсар.

Кивибитин хахтыыбыт, кыра-кыра гына кырбыыбыт. Саахардаан баран кыра уокка тэптэрэн буһарабыт. Сылаастыы бааҥкаларга кутан кэбиһэбит. Кыратык желатиннаатахха, барыанньабыт хойуу буолар. От күөх өҥнөөх барыанньаны ордук оҕо аймах сөбүлүүр.

Моркуоптан барыанньа

Моркуобу сымныар диэри оргутабыт уонна бытархай гына кырбыыбыт.

Саахары кыратык уулаан сироп оҥоробут. 400 г моркуопка 200 г саахар сөп буолар. Салҕыы моркуобу саахар сиробугар буһарабыт.

Кылгас уонна суон моркуоп салаакка, соуска, маринадка туттуллар. Оттон уһун астаах моркуобу буһаран баран туттар табыгастаах. Моркуобу чараас гына быһаҕынан хахтаатахха хараарбат. Сибиэһэй моркуобу хахтаныллыбат, кирин суокканан аалан ыраастыыбыт.

Банантан барыанньа

Банан сыаната билигин чэпчээн турар. Сылааска банан түргэнник буортуйар, холодильникка кытта харааран барар. Ол иһин барыанньа оҥостуохха сөп.

1 киилэ хахтаммыт банаҥҥа 2 ыстакаан саахар, 1 ыстакаан уу, 1 ч.нь. аҥаарынан лимон кислотата туттуллар. Бананы халбаһы курдук төгүрүктүү кырбыыбыт. Бу биэриэмэҕэ уулаах саахарбыт оргуйа турар. Банаммытын оргуйбут сиропка быраҕабыт, 1 чаас устата кыра уокка буһарабыт. Бааҥкаларга кутуохпут иннинэ лимон кислотатын эбэн биэрэбит.

Бааҥкаларбытын 100 кыраадыска духуопкаҕа уган стерилизациялаатахпытына, барыанньабыт өссө өр хараллар.

Арбуз хаҕыттан барыанньа

Сайын арбуһу элбэхтик сиибит. Арбуз хаҕыттан бэртээхэй барыанньа тахсар.

Биһиэхэ наада: 600 г ыраастаммыт арбуз хаҕа, 800 мл уу, 2 ыстакаан саахар.

Арбуһу от күөх халыҥ хаҕыттан ыраастыыбыт, барыанньаҕа маҥана эрэ барсар. Онтон кубиктыы кырбыыбыт. Сироппутун бэлэмниибит – ууну, саахары бииргэ оргутабыт.

Арбузпут хаҕын сироппутугар кутабыт. Оргуйбутун кэннэ өссө 15 мүнүүтэ буһара түһэбит.  Бастакы буһарыыбыт кэннэ арбузпут хаҕа дьэҥкир буола охсор.

Барыанньабытын буспут иһитигэр ыга хаппахтаан, 12 чаас туруорабыт. Бу сироп арбуз хаҕыгар иҥэрин туһугар оҥоһуллар. Иккис буһарыыбытыгар эмиэ 15 мүнүүтэ устата тэптэрэбит. Онтон эмиэ күн аҥаара туруора түһэн баран, үһүстээн буһарабыт. Стерилизацияламмыт бааҥкаларга кутабыт, оргутуллубут, сойбут хаппахтарынан ыга хаппахтаан кэбиһэбит. Кыһын устата дьикти минньигэс амтаннаах, сайыҥҥы күнү санатар көмүс өҥнөөх барыанньаны амсайабыт.

Малина эбэтэр дьэдьэн хаптаҕаһы кытта

2 киилэ дьэдьэни эбэтэр малинаны бааҥкаҕа толору кутабыт. Хаптаҕас суогун 400 гр ыган баран, онно 600 г саахары суурайабыт. Бааҥкалаах отоммутугар кутан кэбиһэбит. Бааҥкабытын 20 мүнүүтэ стерилизациялаан ылабын.

Сарбынньахтан желе

Бу барыанньаҕа сарбынньах (рябина) уонна саахар пропорцията тэҥ буолуохтаах.

Отоммутун сууйан баран, 2-3 мүнүүтэ оргуйбутунан уунан саба кутан туруора түһэбит. Онтон 10-ча мүнүүтэ тымныы уунан сууйан сойутабыт. Маныаха отону киистэтигэр хаалларыахха эбэтэр биир-биир араартаан кэбиһиэххэ сөп.

Кып-кыра ууга буһарабыт. Онтон ньыһыйан кэбиһэбит. Саахар эбэн баран, 5-7 мүнүүтэ тэптэрэн ылабыт. Бааҥкаларга кутарбытыгар үрдүгэр биирдии ньуоска водка кутабыт, хаппахтаан баран тымныы хараҥа сиргэ харайабыт.

Сарбынньахтаах дьаабылыка сироба

1 кг дьабылыканы ыраастыыбыт, тэбис-тэҥ өлүүлэргэ араарабыт. Биир суукка саахарынан таммалатан сытыара түһэбит.

Ууланан тахсыбытын сүөкээн ылабыт, дьаабылыкатын барыанньалаан кэбиһэбит.

Сууйуллубут, куурбут сарбынньах отонугар дьаабылыкаттан тахсыбыт сироппутун кутабыт уонна эмиэ хонноробут. Сарсыарда бу маассабытын 5 мүнүүтэ оргутан ылабыт. Бааҥкаларга кутан сөрүүн сиргэ харайабыт.

Дөлүһүөн барыанньата

1 кг дөлүһүөн аһын отуттан, сиэмэтиттэн ыраастыыбыт. 2 мүнүүтэ кыра ууга бланшируйдуубут.

1-1,2 кг саахары кыратык уулаан сироп оҥоробут. Дөлүһүөммүтүн сиропка кутан 3-4 чаас туруорабыт. Онтон 5 мүнүүтэ оргутан ылабыт.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...