Балет оскуолатын педагога – куонкурус профессиональнай категориятын кыайыылааҕа
![Балет оскуолатын педагога – куонкурус профессиональнай категориятын кыайыылааҕа](https://kiinkuorat.ru/wp-content/uploads/2023/10/LawcCIiazi.jpg)
Дьокуускайдааҕы балет оскуолатын педагога Дария Иванова, РФ Учуутал уонна уһуйааччы сылыгар анаммыт, Бүтүн Арассыыйатааҕы педагогическай маастарыстыба II-с аһаҕас куонкуруһун профессиональнай категориятын кыайыылааҕынан буолла диэн СӨ Култуураҕа уонна духуобунай сайдыыга министиэристибэтин пресс-сулууспата иһитиннэрдэ.
Куонкурус икки түһүмэҕинэн ыытылынна: бастакы түһүмэх олунньу 27 күнүттэн ыам ыйын 30 күнүгэр диэри, иккис – алтынньы 4 күнүттэн 6 күнүгэр диэри Пермь куоракка буолан ааста. Сүүмэрдиир түһүмэххэ дойду 34 регионуттан, Кытайтан уонна Узбекистантан 125 сайаапка киирдэ. Сүүмэрдиир түһүмэх түмүгүнэн кыттааччылар – 56 педагог уонна концертмейстер куонкурус финалыгар киирдилэр.
Саха сириттэн сүүмэрдиир түһүмэҕи А. уонна Н. Посельскайдар ааттарынан Дьокуускайдааҕы балет оскуолатын классическай үҥкүүгэ икки преподавателэ аастылар: өрөспүүбүлүкэ үтүөлээх артыыската, «Гражданскай килбиэн» бэлиэ хаһаайката, педагог-настаабынньык Дария Иванова уонна СӨ култууратын туйгуна Галина Эверстова. Сирэй түһүмэххэ кинилэр Пермнээҕи судаарыстыбаннай хореографическай училищеҕа маастар-кылааһы ыыттылар.
Иккис түһүмэх түмүгүнэн Дария Иванова «Профессиональнай үөрэхтээһин педагогтара» категория кыайыылааҕынан буолла.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)