Балбаах оҥоһуктар

Дьааҥы улууһун Адыаччы бөһүөлэгиттэн олохтоох библиотека үлэһитэ Любовь Горохова тобохтон туһалааҕы оҥорон таһаарар биир дойдулааҕын Гаврил Слепцов туһунан суруйбут: “Гаврил Петрович 15-с сылын хаарынан, 4-с сылын балбааҕынан арааһы оҥорон, Саҥа дьылга түөлбэтин дьонун үөрдэр, бэйэтэ айар киhи дуоhуйуутун ылар ураты умсулҕаннаах дьарыктаах. Саҥа дьылга 900-тэн тахса нэhилиэнньэлээх бөhүөлэкпитигэр күүтүүлээх солбуллубат Тымныы оҕонньор оруоллаах. Иллэҥ кэмигэр спорт көрүҥнэриттэн: уhун дистанцияҕа сүүрүүнэн, волейболунан, хабылык, хаамыска оонньуунан дьарыктанар. Сыанаттан түспэт ырыаhыт. Оройуоннааҕы «Аҕа күрэҕин» түөрт төгүллээх кыттыылааҕа уонна кыайыылааҕа. Кэргэннээх, 4 оҕолоох, 2 сиэннээх.

«Тобоҕу – туһаҕа» хаартысканан күрэххэ «Нэhилиэк, улуус, куорат экологиятыгар туhалаах оҥоhук» диэн көрүҥҥэ ыраах Дьааҥы Адыаччытын Хоту түөлбэтигэр турбут балбааҕынан 2020 сыл символларын хаартыскатын ыытабыт.