06.11.2020 | 14:10

Баһылыктан ыйыт

Баһылыктан ыйыт
Ааптар: Киин Куорат

"Киин куорат" хаһыат бассаап нүөмэригэр 8-914-270-64-04 Дьокуускай баһылыга Сардана Авксентьеваҕа ыйытыыларгытын биэриэххитин сөп.

- “Киин” киинэ театрын иннинээҕи оптуобус тохтобула хаһан үчүгэйдик оҥоһуллуоҕай?

Валентина Афанасьева

- 2021-2022 сылларга Ленин проспегар хапытаалынай өрөмүөн үлэтэ ыытыллар, онно оптуобус тохтобула тупсарыллан оҥоһуллуоҕа.

- Сатал, Мечта, Победа, Забота кыбаарталлар олохтоохторун аатыттан көрдөһүүлээхпин. Баһаалыста, 109 нүөмэрдээх оптуобус сырыытын Медицина киинигэр диэри уһатан биэрэргит буоллар. Биһигиттэн элбэх киһи Медицина киинигэр, 3-с нүөмэрдээх поликлиникаҕа үлэлиир.

Яна Кривошапкина

- Бу боппуруоскутун Дьокуускай куорат уокуругун дьаһалтатын Куораты тутууга уонна тырааныспар инфраструктуратын департаменыгар туруорсуҥ. Төл.:40-80-94. Электроннай почта аадырыһа: transportykt@gmail.com

- Уопсастыбаннай сирдэргэ күн аайы бэрэбиэркэ ыытылларын истэбин. Үтүө суобастаахтык үлэлиир, билиҥҥи ирдэбилгэ эппиэттиир, барытын тутуһар маҕаһыыннар, атыы-эргиэн кииннэрэ, рестораннар бааллар дуо?

В.Николаев

- Киин куорат үгүс предпринимателлэрэ үтүө суобастаахтык үлэлииллэр. Кинилэр тэрилтэлэригэр сууйуу-сотуу, дезинфекция үлэтэ ыытыллар, социальнай дистанция анал бэлиэлэрэ баар. Килийиэннэрин уонна атыылаһааччыларын антисептигынан уонна маасканан хааччыйаллар. Биллэн турар, барыларын хайдах да ааттыыр кыаҕым суох. Ол эрээри холобурдаан этиэхпин сөп: “Столичнай” атыы-эргиэн комплекса, “Хозмаркет”, “Панда и журавль”, “Айгуль”, “Город цветов”. Николаева Ольга Альбертовна (Чернышевскай уул., 98) маҕаһыыныгар наадыйар дьоҥҥо социальнай долбуур аахсыйатын тэрийбитэ хайҕаллаах. Килийиэннэрин харыстыыр тэрилтэ салайааччыларыгар, үлэһиттэригэр куорат олохтоохторун аатыттан махтанабыт.     

- Петр Алексеев-Курашов-Пирогов быһа охсуһууларыгар саҥа эргиир оҥоһуллубута, манна светофору ылан кэбиспиттэрэ иккис ыйа буолла. Төттөрү туруорбатылар. Онно оруобуна оптуобус тохтобула баар. Бары куобахтар курдук сүүрэкэлиибит. Суол үлэһиттэрэ светофору тоҕо туруорбаттарый?

И.Корнилова

- Саҥа эргиир былаан быһыытынан светофора суох, куттала суох сырыыны хааччыйар сыаллаах оҥоһуллубута. Сатыы сылдьар дьон туоруур сирдэрэ П.Алексеев уул. (2№-дээх Өрөспүүбүлүкэтээҕи балыыһа иннигэр), Пирогов, П.Алексеев уулуссаларыгар (“Хозмаркет” таһыгар) бааллар. Ону таһынан “Махаон” маҕаһыын таһынан суолу туоруоххутун сөп (манна суол 4 балаһалаах, онон светофордаах).   

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.