23.03.2023 | 15:52

Баһылык Евгений Григорьев анал байыаннай дьайыы кыттыылаахтарын дьиэ кэргэттэрин кытта көрүстэ

Баһылык Евгений Григорьев  анал байыаннай дьайыы кыттыылаахтарын дьиэ кэргэттэрин кытта көрүстэ
Ааптар: Киин Куорат
Бөлөххө киир

Евгений Григорьев бу күннэргэ Киин, Губинскай, Октябрьскай, Строительнай, Промышленнай уокуруктартан анал байыаннай дьайыы кыттыылаахтарын дьиэ кэргэттэрин кытта көрсөн, «Победа» аһымал пуонда нөҥүө, судаарыстыбаттан оҥоһуллар көмө, өйөбүл тула кэпсэттэ. 

Анал байыаннай дьайыы кыттыылаахтарын дьиэ кэргэттэрин ыйытыыларыгар куорат прокурора Антон Николенко, СӨ киһи быраабыгар боломуочуйалаах Сардана Гурьева, Дьокуускай куорат байыаннай хамыһаара Евгений Крупенков, Социальнай харалта уонна үлэ управлениетын салайааччыта Семен Матвеев, уокуруктар уонна Анал байыаннай дьайыы кыттыылаахтарын өйүүр киин салайааччылара хоруйдаатылар.

Евгений Григорьев бэлиэтээбитинэн, «Победа» аһымал пуонда сулууспаҕа сылдьааччылары гуманитарнай көмөнөн, тустаах экипировканан, анал тиэхиньиичэскэй тэрилинэн хааччыйар. Бүгүҥҥү күҥҥэ пуондаҕа 40 мөлүйүөн солкуобай курдук үп киирбит. 

Анал байыаннай дьайыы кыттыылаахтарын кэргэттэрин демобилизация болдьоҕо, усулуобуйата, уоппуска, бырайыас төлөбүрэ, госпитальга медкөмөнү оҥоруу, реабилитация, чаастарга гуманитарнай көмөнү тиэрдии  кыһалҕалара долгутар. 

Евгений Григорьев куорат киирбит сайаапкаларынан байыастарга наадалаах малларын атыылаһан тиксэрэр гынан баран, полкалар хамандыырдара эмиэ, балаһыанньаттан көрөн, кэлбит көмөнү ордук кыһалҕалаахтарга үллэрэр балаһыанньата баарын бэлиэтээтэ. 

Чуолаан Дьокуускай куораттан ыҥырыллыбыт байыаннай сулууспалаахтарга оҥоһуллар өйөбүллэр тустарынан ыйытыыга байыаннай дьайыы кыттыылааҕа тыа сиригэр пропискалаах буолан баран куоракка олорор түгэнигэр, ону туоһулуур ыспараапка ирдэнэрэ бэлиэтэннэ. 

Маны сэргэ байыаннай сулууспалаахтар төрөппүттэригэр Арассыыйа территориятыгар санаторнай-курортнай эмтэниигэ үс сылга биирдэ 60 тыһыынча солкуобайга тиийэ суумаҕа путевка бэриллэрэ, оҕолор эбии босхо куруһуоктарга, спортивнай секцияларга сылдьаллара көрүллэрэ, байыаннай сулууспалаах уоппускаҕа кэлэн барарын судаарыстыба уйунара о.д.а. быһаарылынна. 

Киирбит ыйытыылар бары боротокуолга сурулуннулар, сорох ыйытыылары байыаннай прокурор, байыаннай хамыһаар тус хонтуруолларыгар ыллылар.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.